Ki sa Bib la di?
Ki sa Wayòm Bondye a ye?
GEN MOUN KI KWÈ li reprezante rèy Bondye a ki nan kè yon moun, gen lòt ki panse se rezilta efò lèzòm ap fè pou yo rive mete lapè ak fratènite nan monn nan. E ou menm, ki sa w panse?
MEN SA BIB LA DI
“Bondye nan syèl la pral tabli yon wayòm ki pap janm kraze. [...] L ap kraze tout wayòm [lèzòm] sa yo, l ap elimine yo.” (Dànyèl 2:44). Wayòm Bondye a se yon gouvènman ki egziste toutbon.
KI LÒT BAGAY NOU KA APRANN NAN BIB LA?
Wayòm Bondye a ap dirije detan nan syèl la. — Matye 10:7; Lik 10:9.
Bondye ap sèvi ak Wayòm nan pou l fè volonte l fèt ni nan syèl la ni sou tè a. — Matye 6:10.
Ki lè Wayòm Bondye a ap vini?
ÈSKE W T AP DI...
Pèsonn pa konnen?
Talè konsa?
Sa pap janm fèt?
MEN SA BIB LA DI
“Yo pral preche bon nouvèl sa a konsènan Wayòm nan sou tout tè a, kòm yon temwayaj pou tout nasyon. Apre sa, lafen an ap vini.” (Matye 24:14). Yonfwa yo fin preche bon nouvèl la byen preche, Wayòm nan ap vini pou l detwi sistèm mechan ki la kounye a.
KI LÒT BAGAY NOU KA APRANN NAN BIB LA?
Pa gen moun sou tè a ki konnen egzakteman ki lè Wayòm Bondye a ap vini. — Matye 24:36.
Pwofesi ki nan Bib la montre Wayòm nan ap vini talè konsa. — Matye 24:3, 7, 12.
Lòt sijè ki enteresan
REPONS BIB LA BAY
Èske se nan kè nou Wayòm Bondye a ye?
Ki sa Bib la vle di lè l di “Wayòm Bondye a nan mitan nou”?
TOUDEGAD
Poukisa nou dwe priye pou Wayòm Bondye a vini?
Ki sa Wayòm nan pral fè okenn gouvènman lèzòm pa ka fè?
