KURUGAN NA KARUAN nga egga yatun ta futu na tolay; kurugan gapa na karuan nga resulta yatun na pappursigi na totolay nga mapeggan tu imammo anna pattaradday ta interu mundo. Anni makagim?

I KAGIAN NA BIBLIA

“Mamataddag i Dios na langi tu pappatulan nga ari vuluvuga madaral. . . . Daralanna ngamin ira yaw nga pappatulan anna iyangena i panuppaladda.” (Daniel 2:44) I pappatulan na Dios ay kurug tu gobierno.

ANNI PAGA I MAMMUATTAM TA BIBLIA?

• Maggafu ta langi i pammaguray na Pappatulan na Dios.​—Mateo 10:7; Lucas 10:9.

• Usan na Dios i Pappatulan tapenu kuan i urena ta langi anna ta davvun.​—Mateo 6:10.

KAGIAMMU KARI TU . . .

• Awan tu makannammu

• Aranni ngana

• Ari vuluvuga duttal yatun

I KAGIAN NA BIBLIA

“Melayya-gayya noka ta tanga-ravvunan yaw nga Mapia nga Dumug na Pammaguray na Dios tapenu kannammuan na ngamin nga sinolay. Ta kabalin naw, duttal ngana i panuppalan.” (Mateo 24:14) Sonu melayyagayya ngana ta interu mundo i mapia nga dumug, daralan noka na Pappatulan i maddaggun nga marake nga sistema.

ANNI PAGA I MAMMUATTAM TA BIBLIA?

• Awan vuluvuga tu makannammu ta dattal na Pappatulan na Dios.​—Mateo 24:36.

• Ipasingan na profesiya na Biblia nga aranni ngana nga duttal i Pappatulan na Dios.​—Mateo 24:3, 7, 12.