Ũthamaki wa Ngai nĩ Kĩĩ?
Ũthamaki wa Ngai nĩ kĩĩ?
ANDŨ AMWE METĨKĨTIE atĩ Ũthamaki wa Ngai nĩ ũndũ ũkoragwo ngoro-inĩ ya mũndũ; nao angĩ meciragia atĩ nĩ ũndũ uumanĩte na kĩyo kĩa andũ gĩa kũrehe thayũ na ũrũmwe thĩinĩ wa thĩ. Ũgwĩciria atĩa?
ŨRĨA BIBILIA YUGAGA
“Ngai-wa-Igũrũ akahanda ũthamaki ũrĩa ũtagacoka gũthario. . . . Nĩ kũmemenda ũkamemenda mothamaki macio mangĩ” ma andũ. (Danieli 2:44) Ũthamaki wa Ngai nĩ thirikari ya biũ.
NĨ ATĨA ŨNGĨ TWĨRUTAGA KUUMA BIBILIA-INĨ?
Ũthamaki wa Ngai wathanaga kuuma igũrũ. —Mathayo 10:7; Luka 10:9.
Ngai ahũthagĩra Ũthamaki ũcio kũhingia wendi wake kũrĩa igũrũ na gũkũ thĩ.—Mathayo 6:10.
Ũthamaki wa Ngai ũgoka rĩ?
HIHI ŨNGIUGA ATĨA?
Gũtirĩ mũndũ ũĩ
Ica ikuhĩ
Ndũgoka
ŨRĨA BIBILIA YUGAGA
“Naguo ũhoro ũyũ mwega wa Ũthamaki nĩ ũkaahunjio thĩ yothe ũtuĩke ũira kũrĩ ndũrĩrĩ ciothe, na hĩndĩ ĩyo nĩrĩo mũico ũgaakinya.” (Mathayo 24:14) Ũhoro mwega wahunjio thĩinĩ wa thĩ yothe, Ũthamaki wa Ngai nĩ ũgooka kweheria mũtabarĩre ũyũ mũru.
NĨ ATĨA ŨNGĨ TWĨRUTAGA KUUMA BIBILIA-INĨ?
Gũtirĩ mũndũ o na ũmwe gũkũ thĩ ũĩ mũthenya ũrĩa Ũthamaki wa Ngai ũgooka.—Mathayo 24:36.
Ũrathi wa Bibilia wonanagia atĩ Ũthamaki ũcio ũrĩ hakuhĩ mũno.—Mathayo 24:3, 7, 12.
Icunjĩ Ingĩ Hihi Ũngĩenda Gũthoma
MACOKIO MA CIŨRIA CIA BIBILIA
Hihi Ũthamaki wa Ngai Ũrĩ Ngoro-inĩ ya Mũndũ?
Bibilia yonanagia atĩa rĩrĩa yoiga atĩ “ũthamaki wa Ngai wĩ thĩinĩ wanyu”?
MŨRANGĨRI
Twagĩrĩire kũhoya Ũthamaki wa Ngai ũke nĩkĩ?
Nĩ ũndũ ũrĩkũ ũkahingio nĩ Ũthamaki wa Ngai ũtangĩhota kũhingio nĩ thirikari o na ĩrĩkũ ya mũndũ?
