Biibilimi qanoq allassimasoqarpa?
Guutip naalagaaffia suua?
INUIT ILAAT OQARTARPUT inuup uummataani Guutip naalakkersuineranut assersuutaasoq; allat isumaqarput tassaasoq inuit ilungersornerisa kingunerisaannik silarsuarmi tamarmi eqqissineq toqqissinerlu. Illit qanoq isumaqarpit?
AKISSUT BIIBILIMEERSOQ
“Qilaap Guutiata naalagaaffik qaqugumulluunniit atasussaq pilersikkumaarpaa, ... Guutip naalagaaffiata kunngeqarfiit allat tamaasa aserortissavai suujunnaarsillugillu.” (Danieli 2:44) Guutip naalagaaffia naalagaaffiviuvoq naalakkersuisulik.
BIIBILIMIT SUNA ALLA ILIKKARSINNAAVARPUT?
Guutip naalagaaffia qilammiit naalakkersuivoq. – Matthæusi 10:7; Lukasi 10:9.
Guutip piumasani qilammi nunarsuarmilu naammassiniarlugu Naalagaaffik atortarpaa. – Matthæusi 6:10.
Guutip naalagaaffia qaqugu tikiutissava?
OQASSAVIT ...
Ilisimaneqanngilaq
Qanittukkut
Tikiutissanngilaq
AKISSUT BIIBILIMEERSOQ
‘Naalagaaffimmik iivangkiiliu taanna silarsuarmi tamarmi oqaluussissutigineqassaaq inuiannut tamanut nalujunnaarsillugu, taavalu naggatissaq nalliutissaaq.’ (Matthæusi 24:14) Iivangkiiliup oqaluussissutigineqarnera naammalerpat Guutip naalagaaffia tikiutissaaq silarsuaq ajortoq manna piuneerunniarlugu.
BIIBILIMIT SUNA ALLA ILIKKARSINNAAVARPUT?
Guutip naalagaaffiata qaqugorpiaq tikiunnissaa nunarsuarmi kimilluunniit ilisimaneqanngilaq. – Matthæusi 24:36.
Biibilimi siulittuutinit erserpoq Naalagaaffik tikiutingajalersoq. – Matthæusi 24:3, 7, 12.