តើគម្ពីរបង្រៀនយ៉ាងណា?
តើរាជាណាចក្ររបស់ព្រះជាអ្វី?
អ្នកខ្លះជឿថា រាជាណាចក្រព្រះជាការគ្រប់គ្រងរបស់ព្រះក្នុងចិត្ដមនុស្ស។ ចំណែកឯមនុស្សខ្លះទៀតគិតថា រាជាណាចក្ររបស់ព្រះគឺជាលទ្ធផលល្អដែលមកពីការខំព្យាយាមរបស់មនុស្សដើម្បីនាំឲ្យមានសន្ដិភាពនិងសាមគ្គីភាពទូទាំងពិភពលោក។ តើលោកអ្នកគិតយ៉ាងណា?
គម្ពីររៀបរាប់ថា
«ព្រះនៃស្ថានសួគ៌ទ្រង់នឹងតាំងនគរ១ឡើង ដែលមិនត្រូវបំផ្លាញឡើយ ហើយ . . . នឹងបំបាក់បំបែក ហើយលេបបំបាត់នគរ[របស់មនុស្ស]ទាំងនោះវិញ»។ (ដានីយ៉ែល ២:៤៤) រាជាណាចក្ររបស់ព្រះគឺជារដ្ឋាភិបាលពិតមួយ។
តើយើងអាចរៀនអ្វីទៀតពីគម្ពីរ?
រាជាណាចក្ររបស់ព្រះគ្រប់គ្រងមកពីស្ថានសួគ៌។—ម៉ាថាយ ១០:៧; លូកា ១០:៩
ព្រះប្រើរាជាណាចក្រលោកដើម្បីសម្រេចគោលបំណងរបស់លោកនៅស្ថានសួគ៌និងផែនដី។—ម៉ាថាយ ៦:១០
តើរាជាណាចក្ររបស់ព្រះនឹងមកនៅពេលណា?
តើលោកអ្នកនឹងឆ្លើយយ៉ាងណា?
គ្មានអ្នកណាដឹងទេ
ឆាប់ៗនេះ
មិនមកទេ
គម្ពីររៀបរាប់ថា
«ដំណឹងល្អនេះអំពីរាជាណាចក្រនឹងត្រូវផ្សព្វផ្សាយនៅគ្រប់ទីអាស្រ័យនៅផែនដី ដើម្បីឲ្យប្រជាជាតិទាំងឡាយបានឮ រួចទីបញ្ចប់នឹងមកដល់»។ (ម៉ាថាយ ២៤:១៤) នៅពេលដែលដំណឹងល្អបានត្រូវផ្សាយពេញពាសលើផែនដី នោះរាជាណាចក្ររបស់ព្រះនឹងមកដើម្បីបំផ្លាញចោលរបៀបរបបពិភពលោកដ៏អាក្រក់នេះ។
តើយើងអាចរៀនអ្វីទៀតពីគម្ពីរ?
គ្មានអ្នកណាម្នាក់នៅផែនដីដឹងថាពេលណារាជាណាចក្ររបស់ព្រះនឹងមកដល់ទេ។—ម៉ាថាយ ២៤:៣៦
ទំនាយក្នុងគម្ពីរបង្ហាញថារាជាណាចក្ររបស់ព្រះនឹងមកដល់ក្នុងពេលឆាប់ៗនេះ។—ម៉ាថាយ ២៤:៣, ៧, ១២