O Utuminu ua Nzambi Ihi?
O Utuminu ua Nzambi Ihi?
SAÍ ATHU A XIKINA kuila o Utuminu ua Nzambi u lombolola o unguvulu uê ku muxima ua muthu, a mukuá a banza kuila o nguzu iene mu bhanga o athu phala kubheka o kutululuka ku mundu uoso. Ihi i u banza?
IHI I ZUELA O BIBIDIA
“O Nzambi ia diulu ua kà bheka-ku o utuminu ki u xikina dingi ku u jikinisa. . . . Uene kiá ua kà sasujula o mautuminu moso’ama anga a-bhua-ku.” (Daniiele 2:44) O Utuminu ua Nzambi unguvulu ua kidi.
IHI DINGI I TU LONGA O BIBIDIA?
O Utuminu ua Nzambi ua mu tumina ku diulu.—Matesu 10:7; Luka 10:9.
Nzambi bhu kaxi ka Utuminu uê u kumbidila o vondadi iê ku diulu ni mu ixi.—Matesu 6:10.
O Utuminu ua Nzambi ua-nda kuíza thembu kuxi?
IHI I U BANZA?
Se-ku muthu ua kijiia
Ku hádia
Nuka ua-nda kuíza
IHI I ZUELA O BIBIDIA
“O Njimbu iíi Iambote ia Utuminu ua Nzambi, ia bhingi ku i tula mu ngongo ioso, mu kubhana umbangi ku akua jixi joso; kiene kiua kia kèza dizubhilu.” (Matesu 24:14) Kioso o njimbu iambote kia-nda i boka katé ku maxokololo a jixi, o Utuminu ua Nzambi-phe ua-nda kuíza phala kuzubha o kuiibha kuoso mu ngongo.
IHI DINGI I TU LONGA O BIBIDIA?
Mu ixi ioso sé-mu muthu uejiia o kithangana kia-nda kuíza o Utuminu ua Nzambi.—Matesu 24:36.
O ikanenu ia Bibidia i londekesa kuila o Utuminu ua zukama kiá.— Matesu 24:3, 7, 12.