ಅನೇಕರ ನಂಬಿಕೆ ಅದು ವ್ಯಕ್ತಿಯೊಬ್ಬನ ಹೃದಯದಲ್ಲಿನ ಒಳ್ಳೇ ಸ್ಥಿತಿ. ಇನ್ನೂ ಕೆಲವರ ಪ್ರಕಾರ, ಮನುಷ್ಯರ ಪ್ರಯತ್ನದಿಂದ ಲೋಕದಲ್ಲಿ ಶಾಂತಿ ಮತ್ತು ಐಕ್ಯತೆಯ ಪ್ರತಿಫಲವೇ ದೇವರ ರಾಜ್ಯ.

ನೀವೇನು ನಂಬುತ್ತೀರಿ?

ಬೈಬಲ್‌ ಏನನ್ನುತ್ತದೆ

‘ಪರಲೋಕ ದೇವರು ಒಂದು ರಾಜ್ಯವನ್ನು ಸ್ಥಾಪಿಸುವನು; ಅದು ಎಂದಿಗೂ ಅಳಿಯದು, . . . ಆ [ಮಾನವ] ರಾಜ್ಯಗಳನ್ನೆಲ್ಲಾ ಭಂಗಪಡಿಸಿ ನಿರ್ನಾಮಮಾಡಿ ಶಾಶ್ವತವಾಗಿ ನಿಲ್ಲುವದು.’ (ದಾನಿಯೇಲ 2:44) ಹಾಗಾಗಿ, ದೇವರ ರಾಜ್ಯ ಒಂದು ನಿಜವಾದ ಸರ್ಕಾರವಾಗಿದೆ.

ಬೈಬಲಿನಿಂದ ಇನ್ನೂ ಏನನ್ನು ಕಲಿಯಬಹುದು?

• ದೇವರ ರಾಜ್ಯ ಸ್ವರ್ಗದಿಂದ ಆಳುತ್ತದೆ.—ಮತ್ತಾಯ 10:7; ಲೂಕ 10:9.

• ಈ ರಾಜ್ಯದ ಮೂಲಕ ದೇವರು ಸ್ವರ್ಗದಲ್ಲಿ ಮತ್ತು ಭೂಮಿಯಲ್ಲಿ ತನ್ನ ಉದ್ದೇಶವನ್ನು ನೆರವೇರಿಸುವನು.—ಮತ್ತಾಯ 6:10.

ನೀವೇನು ನೆನಸುತ್ತೀರಿ?

• ಯಾರಿಗೂ ಗೊತ್ತಿಲ್ಲ

• ಬೇಗ ಬರುತ್ತೆ

• ಬರೋದೇ ಇಲ್ಲ

ಬೈಬಲ್‌ ಏನನ್ನುತ್ತದೆ

“ರಾಜ್ಯದ ಈ ಸುವಾರ್ತೆಯು ನಿವಾಸಿತ ಭೂಮಿಯಾದ್ಯಂತ ಎಲ್ಲ ಜನಾಂಗಗಳಿಗೆ ಸಾಕ್ಷಿಗಾಗಿ ಸಾರಲ್ಪಡುವುದು; ಮತ್ತು ಆಗ ಅಂತ್ಯವು ಬರುವುದು.” (ಮತ್ತಾಯ 24:14) ದೇವರ ರಾಜ್ಯದ ಸುವಾರ್ತೆ ಎಲ್ಲಾ ಕಡೆ ಸಾರಿದ ನಂತರ ದೇವರ ರಾಜ್ಯ ಬರುವುದು. ಅದು ಇಂದಿರುವ ಎಲ್ಲಾ ಕೆಟ್ಟ ಪರಿಸ್ಥಿತಿಯನ್ನು ತೆಗೆದುಹಾಕುವುದು.

ಬೈಬಲಿನಿಂದ ಇನ್ನೂ ಏನನ್ನು ಕಲಿಯಬಹುದು?

• ದೇವರ ರಾಜ್ಯ ಯಾವಾಗ ಬರುತ್ತೆ ಅಂತ ಭೂಮಿಯ ಮೇಲಿರುವ ಯಾರಿಗೂ ಗೊತ್ತಿಲ್ಲ.—ಮತ್ತಾಯ 24:36.

• ಬೈಬಲ್‌ ಪ್ರವಾದನೆಗಳು ತಿಳಿಸುವ ಪ್ರಕಾರ ದೇವರ ರಾಜ್ಯ ತುಂಬ ಬೇಗನೆ ಬರುತ್ತದೆ.—ಮತ್ತಾಯ 24:3, 7, 12. (wp16-E No. 5)