ABANDI BIKIRIRYE bathi bukimanira erithabalha lya Nyamuhanga omwa muthima w’omundu; abandi ibalengekania bathi by’ebikendi syalhua omwa kaghalha aka bandu bakahiraho eriletha omwa kihugho mw’obuholho n’obughuma Iwe wukalengekanaya wuthiki?

EKYA BIBLIA YIKABUGHA

“Nyamuhanga w’elhubulha asyahangania obwami obuthendi syaheribwa na kera; . . . bwasyathulhanga mwa bihandi-bihandi, n’eribugha amami [w’abandu] wosi aya.” (Danieli 2:44) Obwami bwa Nyamuhanga ni buthabali hene-hene.

EKINDI EKYA THUK’IGHA OMWA BIBLIA

• Obwami bwa Nyamuhanga bukathabalira elhubulha. —Matayo 10:7; Luka 10:9.

• Nyamuhanga akakolesaya Obwami bwiwe eriberererya erisonda liwe omwa lhubulha n’okwa kihugho.—Matayo 6:10.

IWUKENDI BUGHA WUTHIKI?

• Sihali oyuwasi

• Buli hakuhi

• Sibuliyo

EKYA BIBLIA YIKABUGHA

“Engulhu yuwene y’Obwami eyi yasyatsuka erithulhughanibwa omwa kihugho kyosi busana n’eriminyisya ebihanda byosi, neryo enduli yasyahika.” (Matayo 24:14) Engulhu yuwene yikendi syabya yabirithulhughanibwa ndeke, neryo Obwami ibwasa erighunzaho omughulhu mubi ono.

EKINDI EKYA THUK’IGHA OMWA BIBLIA

• Sihali n’omughuma okwa kihugho oyuwasi ekiro ekyo nyine-nyine eky’eryasa ly’Obwami bwa Nyamuhanga.—Matayo 24:36.

• Obuminyereri bwe Biblia bukakanganaya ngoku Obwami bukisiya ibwasa.—Matayo 24:3, 7, 12.