BANTU BAMO BAITABILA’MBA Bufumu bwa Lesa buji mu muchima wa muntu; bakwabo balanguluka’mba ke lunengezho lwa bantu lwa kuletelamo mutende ne lukwatankano pano pa ntanda. Nga anweba mulangulukapo’mba ka?

BYAMBA BAIBOLO

“Lesa wa mwiulu ukaleta bufumu bo bakabula konauna. . . . Bukavingakanya ne kupwisha buno bufumu [bwa bantu] bonse.” (Danyela 2:44) Bufumu bwa Lesa ke kafulumende wa kine.

BINTU BIKWABO BYO TUFUNDA MU BAIBOLO

• Bufumu bwa Lesa bubena kulama mwiulu.—Mateo 10:7; Luka 10:9.

• Lesa wingijisha buno Bufumu bwanji pa kuba kyaswa muchima wanji mwiulu ne pano pa ntanda.—Mateo 6:10.

MWAKONSHA KUKUMBULA’MBA KA?

• Kafwako wayuka

• Katatakatu

• Kechi bukeya ne

BYAMBA BAIBOLO

“Ano mambo awama a Bufumu bakeasapwila pano pa ntanda ponse kwikala bukamonyi ku bisaka byonse bya bantu, apa bino mpelo ikafike.” (Mateo 24:14) Mambo awama byo akasapwilwa pano pa ntanda ponse, Bufumu bwa Lesa bukeya na kufumyapo bubi bonse pano pa ntanda.

BINTU BIKWABO BYO TUFUNDA MU BAIBOLO

• Pano pa ntanda kafwapo muntu wayuka kimye kine kikeya Bufumu bwa Lesa ne.—Mateo 24:36.

• Bungauzhi bwa mu Baibolo bumwesha’mba Bufumu bwa Lesa katatakatu bwiye.—Mateo 24: 3, 7, 12.