VAMWE KWA PURA asi Uhompa waKarunga sininke sa kara momutjima gomuntu; ano vamwe kugazara asi ekondjo lyovantu lyokuretesa po mbili mouzuni. One ngapi omu gazara ko?

EYI ZA UYUNGA KO BIBELI

“Uhompa wouzuni ntaantani una kara nye waHompa gwetu naKristusa gwendi. Age nga pangera narunye nanarunye.” (Ehororo 11:15) Uhompa waKarunga kuna kara epangero.

YISINKE HENA NATU LIRONGERA MO MOBIBELI?

• Uhompa waKarunga kuna kupangera meguru.—Mateusa 10:7; Rukasa 10:9.

• Karunga kuruganesa Uhompa a sikise mo mpango zendi meguru nepevhu.—Mateusa 6:10.

NGAPI ONO KUGAZARA?

• Kwato ogu ga yi diva

• Ntaantani

• ndi kapi ngau wiza

EYI ZA UYUNGA KO BIBELI

“Mbudi zoNgwa ezi zoUntungi waKarunga tanko ngava zi divisa mwa za uzuni mudima, zi kare umbangi wonomuhoko nadinye, ntani nye ngaku kwama uhura.” (Mateusa 24:14) Apa ngava mana kuzuvhisa mbudi zongwa, Uhompa ngau wiza u ya hagekese po uzuni ou woudona.

YISINKE HENA NATU LIRONGERA MO MOBIBELI?

• Kwato ogu ga diva siruwo apa ngau wiza Uhompa waKarunga.—Marukusa 13:32.

• Uporofete womoBibeli kulikida asi Uhompa ntaantani u wize.—Mateusa 24:3, 7, 12.