AKAKA BEVOVANGA VO I luyalu lwa Nzambi luna muna ntima mia wantu. Akaka bebanzanga vo, i ngolo zina o wantu bevanganga muna twasa luvuvamu yo ungudi ova nza. Azeyi i ngindu zaku?

ADIEYI NKAND’A NZAMBI UVOVANGA?

“O Nzambi ezulu otongeka kintinu, kina ke kibangalakeswa ko. . . . Kikosomona yo sukisa yintinu yayi yawonso, kitongama mpe yakwele mvu.” (Daniele 2:44) Kintinu kia Nzambi luyalu lwakieleka.

NKIA MAMBU MANKAKA TULENDA LONGOKA MU NKAND’A NZAMBI?

• Kintinu kia Nzambi mu yala kina kuna zulu.—Matai 10:7; Luka 10:9.

• Nzambi osadila Kintinu kiandi muna lunganesa luzolo lwandi kuna zulu y’ova ntoto.—Matai 6:10.

AZEYI I MVUTU ZAKU?

• Ke tuzeye ko

• Ke kolo ko

• Ke kikwiza ko

ADIEYI NKAND’A NZAMBI UVOVANGA?

“E nsangu zazi zambote za Kintinu zisamunwa mu nza yawonso muna umbangi kwa zula yawonso, i bosi ikwiza e mbaninu.” (Matai 24:14) Vava e nsangu za mbote zisamunwa mu nza yawonso, e Kintinu kia Nzambi kikwiza muna fokola e nza yayi yambi.

NKIA MAMBU MANKAKA TULENDA LONGOKA MU NKAND’A NZAMBI?

• Ke vena muntu ko ova nza ozeye lumbu kina e Kintinu kia Nzambi kikwiza.—Matai 24:36.

• O ungunza wa Nkand’a Nzambi usonganga vo e Kintinu kia Nzambi kifinamene.—Matai 24:3, 7, 12.