Findo Baibolo Ilabilapo?
Kani Ubufumu bwa baLesa cindo?
BAMBI ABANTU BALISUMIINE ati bulemakaninako ukwikalika kwa baLesa ukuli mu mutima wa muntu; eli bambi balalanguluka ati ni fyefyo abantunshi besha ne makosa abo onse ukulengesha abantu ukuba abekatene kabili aba mutende mu calo conse. Mulukulangulukapo shani?
IFI BAIBOLO ILABILAPO
“BaLesa ba kwiulu bakemika ubufumu, ubutabukonalwa ne nshiku pee, koku; . . . sombi bukapalaishisha ne konala ubu-bufumu [bwa bantunshi] bonse.” (Danyeli 2:44) Kanshi Ubufumu bwa baLesa buteko bwa cinenene.
FIMBI IFI TUSAMBILILAMO MU BAIBOLO
Ubufumu bwa baLesa bulekalika kwiulu.—Matayo 10:7; Luku 10:9.
BaLesa balapyungisha Ubufumu ku kukonsha ukufwaya kwabo kwiulu na pa calo.—Matayo 6:10.
Ni lwisa Ubufumu bwa baLesa bukesa?
MUNGALABILAPO SHANI?
Tapalipo abeshi
Bukumo
Tabukesapo
IFI BAIBOLO ILABILAPO
“Icebo ici iciweme ica Bufumu cikatulika monse mu calo ca panshi, koti ni bumboni ku mikoka yonse ya bantu, elyo kukesa ukushila.” (Matayo 24:14) Ili icebo iciweme cikatulishiwa ukwelelwa ne kufwaya kwa baLesa, Ubufumu bukesa ne konaala cino icalo ca bumbifi.
FIMBI IFI TUSAMBILILAMO MU BAIBOLO
Tapalipo neli umo pa calo uwishi akasuba neli impindi ili Ubufumu bwa baLesa bukesa.—Matayo 24:36.
Ukushimika kwa mu Baibolo kulalangisha ati Ubufumu bukesa bukumo lukoso.—Matayo 24:3, 7, 12.
