BANTU BAMO BAKULUPILE amba i kyelekejo kya buludiki bwa Leza budi mu mutyima wa muntu; bakwabo nabo balanga’mba i bukomo bulonga bantu bwa kutūla ndoe ne bu bana na bana pano pa ntanda. Lelo abe nobe?

BINENA BIBLE

“Leza wa mūlu ukemika bulopwe kebukōnakanibwapo nansha patyetye, . . . bukatyumuna bipindibipindi ne kukubija malopwe ano’a onsololo [a bantu], kadi bukemananga nyeke.” (Danyele 2:44) Bulopwe bwa Leza i umbikalo udi’ko bine.

BIKWABO BYOTWIFUNDA MU BIBLE

• Bulopwe bwa Leza buludikanga tamba momwa mūlu.​—Mateo 10:7; Luka 10:9.

• Leza wingidijanga Bulopwe bwandi mwanda wa kufikidija kiswa-mutyima kyandi mūlu ne pano panshi.​—Mateo 6:10.

LE ABE AMBA?

• Kekudi uyukile

• Panopano

• Kebukāyapo

BINENA BIBLE

“Ino myanda miyampe ya Bulopwe ikasapulwa pa ntanda yonso ikelwe na bantu mwanda wa bukamoni ku mizo yonso, ebiya mfulo keiya shayo.” (Mateo 24:14) Shi myanda miyampe ibasapulwa ne pa mfulo, Bulopwe bukāya kufudija ino ngikadilo mibi ya bintu.

BIKWABO BYOTWIFUNDA MU BIBLE

• I kutupu muntu pano pa ntanda uyukile kitatyi kine kikafika Bulopwe bwa Leza.​—Mateo 24:36.

• Bupolofeto bwa mu Bible bulombola amba Bulopwe busa kufika panopano.​—Mateo 24:3, 7, 12.