Uno Wangana waKalunga chuma muka?
Uno Wangana waKalunga chuma muka?
VATU VAMWE VAFWELELA NGWAVO Wangana waKalunga wapwa chiyulo chize chatwama mumuchima wamutu. Kaha veka ngwavo Wangana waKalunga wapwa kuunda nakulinunga chize cheji kwizanga mukaye kosena mwomwo yakuzata chavatu nangolo javo. Enu mwashinganyeka muka?
VYUMA YAHANJIKA MBIMBILIYA
“Kalunga wamwilu mwakahakako wangana uze kaveshi kukanongesako. . . . Naukachika mawangana osena awa nakuwanongesa.” (Ndanyele 2:44) Wangana waKalunga wapwa hifulumende yamwenemwene.
VYUMA MUKA VIKWAVO NATULINANGULA MUMBIMBILIYA?
Wangana waKalunga uli nakuyula mwilu. —Mateu 10:7; Luka 10:9.
Kalunga eji kuzachisanga Wangana wenyi mangana atesemo vyuma ajina mwilu nahamavu.—Mateu 6:10.
Uno Wangana waKalunga naukeza mwaka uka?
NAMUKUMBULULA NGWENU NGACHILIHI?
Nou atachikiza vene wauchi
Kalinwomu
Kaweshi kukezako
VYUMA YAHANJIKA MBIMBILIYA
“Mujimbu wamwaza waWangana navakawambulula hamavu hosena, nakupwa unjiho kuli vaka-mafuchi osena, numbanyi kukuma chikeze.” (Mateu 24:14) Nge mujimbu wamwaza vanawambulula, kaha Wangana waKalunga naukeza nakufumisako jino katwamino kamyaka yino.
VYUMA MUKA VIKWAVO NATULINANGULA MUMBIMBILIYA?
Kakweshi mutu hano hamavu atachikiza lwola naukeza Wangana waKalungako.—Mateu 24:36.
Upolofweto wamuMbimbiliya wasolola nge kalinwomu Wangana wizenga.—Mateu 24:3, 7, 12.
