ANTU AMAKWAWU AKUHWELELA nawu wemenañaku chiyuulu chaNzambi chekala mumuchima wamuntu; amakwawu nawu hiyuma yafumaña mukuzata kwawantu nañovu hakwila aleti kuwunda mukaayi nikunuñañana. Munatoñojoki nenudi?

CHAHOSHAÑA BAYIBOLU

‘Nzambi wamwiwulu wamba kaloñesha wanta wakubula kukisika haya nyaka. . . . wakahumonaña mawanta [awantu] ejima puchi-puchi.’ (Danyeli 2:44) Wanta waNzambi hinfulumendi yalala.

YUMA YIKWAWU YITWADIZAÑA MUBAYIBOLU

• Wanta waNzambi wayuulaña mwiwulu.—Matewu 10:7; Luka 10:9.

• Nzambi wazatishaña Wanta hakwila yeli nkeñelu yindi mwiwulu nihanu heseki.—Matewu 6:10.

MUKWAKULA NENUDI?

• Kwosi muntu weluka

• Katataka

• Wakenza wanyi

CHAHOSHAÑA BAYIBOLU

“Ninsañu iyi yaWanta yayiwahi akayishimwañena mwahita matuña ejima mwashakamawu antu, kulonda yakayilili nyuza yejima wunsahu; henohu dihu hakenza kukumisha.” (Matewu 24:14) Neyi nsañu yayiwahi anayishimwañeni dehi chikupu, dihu hakenza dinu Wanta nakujilumuna yuma yatama yidiku makonu.

YUMA YIKWAWU YITWADIZAÑA MUBAYIBOLU

• Kwosi muntu niwumu weluka mpinji yayeni yakenza Wanta waNzambi.—Matewu 24:36.

• Wuprofwetu wamuBayibolu washimunaña nawu katataka Wanta winzi.—Matewu 24:3, 7, 12.