Ang’o ma Muma Wacho?
Pinyruodh Nyasaye en ang’o?
JOMOKO WACHO NI ochung’ ne loch mar Nyasaye e chuny ng’ato; moko to wacho ni en kinda ma dhano timo mondo gikel kue e kind dhano wetegi kod e piny. In to iparo nade?
GIMA MUMA WACHO
‘Nyasaye manie polo nochung piny ruoth moro ma ok norum. Enong’iny pinje ruodhi duto [mag dhano].’ (Daniel 2:44) Pinyruodh Nyasaye en sirkal madier.
WECHE MAMOKO MA MUMA PUONJOWA GIN MAGE?
Pinyruodh Nyasaye locho koa e polo.—Mathayo 10:7; Luka 10:9.
Nyasaye tiyo gi Pinyruodhno e chopo dwache e polo kod piny.—Mathayo 6:10.
Pinyruodh Nyasaye nobi karang’o?
INYALO DWOKO NADE?
Onge ng’a mong’eyo
Machiegnini
Ok nobi
GIMA MUMA WACHO
“Wach maber mar Pinyruothni ibiro yal e piny mangima mondo ochiw neno ne ogendni duto, eka giko nobi.” (Mathayo 24:14) Koseland wach maber e piny mangima, Pinyruoth nobi mondo otiek gik maricho e pinyni.
WECHE MAMOKO MA MUMA PUONJOWA GIN MAGE?
Onge ng’a mong’eyo odiechieng’ sie ma Pinyruodh Nyasaye nobie.—Mathayo 24:36.
Weche mokor manie Muma nyiso ni Pinyruoth nobi machiegnini.—Mathayo 24:3, 7, 12.
Samoro Inyalo Hero Magi Bende
DWOKO PENJO MA JI NIGO E WI MUMA
Be Pinyruodh Nyasaye Nie Chunyi?
Sama Muma wacho ni “pinyruodh Nyasaye ni e iu,” mano tiende ang’o?
OHINGA MAR JARITO
Ang’o Momiyo Onego Walem Mondo Pinyruodh Nyasaye Obi?
Pinyruodh Nyasaye biro timo gik mage ma sirkande mag dhano ok nyal timo?
