TJÍNKʼA CHJOTA XI KʼOASʼIN MAKJAINLE nga ya ni̱ma̱ná tíjnajin je xi Reino de Dios ʼmi. Kʼoa tjínkʼa xi kʼoatso nga je xi kʼoaʼmi kui kjoanyʼán xi mele kuichotjenngi ngatsʼi chjota. Jósingái ji, jméni xi Reino de Dios ʼmi.

JÓTSO BIBLIA

“Je Niná xi tíjna ngʼajmi jngo chjotaxá koasennda xi nikʼiajin tjóxin. [...] Ñaki sichaoní kʼoa kjoaʼaxinní ngatsʼi chjotaxá” (Daniel 2:44). Je xi Reino de Dios ʼmi jngoo Chjotaxá xi ñaki tíjna.

JÓTSOSA BIBLIA

• Je Chjotaxále Niná yaa tjen ngʼajmi tíbatéxomani (Mateo 10:7; Lucas 10:9).

• Je Niná jé Chjotaxále tísíchjén nga kʼoakjima josʼin mele ya ngʼajmi kao i̱ Sonʼnde (Mateo 6:10).

JÓSʼIN NIKJAʼAITSJAIN

• Liʼya xi be

• Jejin me kjoaʼaí

• Nikʼiajin kjoaʼaí

JÓTSO JE BIBLIA

“Je énnda xi tʼatsʼe je kjoatéxomale ngʼajmi kuinókjoayani ngakijnda sonʼnde, nga si̱kixiyandale ngatsʼi naxinandá. Kʼia kjoaʼaí xi kjoetʼa” (Mateo 24:14). Kʼianga jekʼuínyason ngakjijnda je énnda chjotse kʼiaa kjoaʼaí je Chjotaxále Niná kʼoa kjoaʼaxin je kjoatsʼen xi tjín Sonʼnde.

JÓTSOSA BIBLIA

• Nijngojin chjota xi be kʼiakjoanni kjoaʼaí je Chjotaxále Niná (Mateo 24:36).

• Nga tíbitjoson jmeni xi tongini kitso je Biblia kui bakó nga jemachrianle nga kjoaʼaí je Chjotaxále Niná (Mateo 24:3, 7, 12).