VAVENGI VA TSILIELA nguavo vua pua ku sika ca Njambi mu mutima ua nkala muntu; vakuavo co ve ku singanieka nguavo kapandi ka ve ku lihakela vantu linga va nehe ciyulo ha mavu na ku likuatasiana ca vantu vose.

Amba yenu co?

VI YA HANDEKA MBIMBILIYA

“Njambi ua muilu a ka tumbika vuangana vumosi vuntsa ka va kenieka. . .  Vu ka vatuola na ku lia mavuangana aa ose [a vantu].” (Ndaniele 2:44) Vuangana vua Njambi ku vua kala mpundu.

VIKA VIKUAVO VI TU HASA KU LILONGESA MU MBIMBILIYA?

• Vuangana vua Njambi vu li na ku sika muilu.​—Mateo 10:7; Luka 10:9.

• Njambi ue ku pangesa Vuangana vueni linga a puisemo vutumbe vueni muilu na ha mavu.​—Mateo 6:10.

VATI MU KUMBULULA?

• Uahi a tantekeya

• Vuovuno

• Ka vu ka soloka

VI YA HANDEKA MBIMBILIYA

“Kaha zimpande ezi vene zia cili zia Vuangana va ka zi ambulula ku vifuti viose, zi ka pua vukaleho vua kuli vakua vifuti viose; amba vuose ku-kotoka ca mavu ci keza.” (Mateo 24:14) Vuangana vua Njambi vu ka neha ku-kotoka ca ano mavu a api, mu nima ya ku ambulula ca muzimbu ua cili.

VIKA VIKUAVO VI TU HASA KU LILONGESA MU MBIMBILIYA?

• Na umo uahi ha mavu a tantekeya tangua lika Vuangana vua Njambi vu keza.​—Mateo 24:36.

• Vupolofeto vua Mbimbiliya vua muesa ngecize vuangana vua Njambi vuovuno vuiza.​—Mateo 24:3, 7, 12.