SEKIJ KIIJTOUAJ toTeotsij iTlanauatijkayo eli se tlenijki tlen eltok ipan toyolo; sekinok kiijtouaj nopa tlanauatijkayotl onkas pampa miakej maseualmej kichiuaj miak tlamantli pampa kinekij ma onka tlaseuilistli ipan nochi Tlaltipaktli uan kiampa kuali ma tiitstokaj. Ta, ¿tlake timoiljuia?

TLEN KIIJTOUA BIBLIA

“ToTeko Dios tlen itstok iluikak kiketsas se Tlanauatilistli [...] tlen axaka uelis kisemanas” (Dan. 2:44). ToTeotsij iTlanauatijkayo nelia tekichijtok.

¿TLAKE SEKINOK TLAMANTLI KIIJTOUA BIBLIA?

• ToTeotsij iTlanauatijkayo tekichijtok ne iluikak (Mat. 10:7; Luc. 10:9).

• Ika iTlanauatijkayo, toTeotsij kichiua tlen mosentlalijtok ipan iluikaktli uan ipan Tlaltipaktli (Mat. 6:10).

¿TLAKE TIKIJTOSKIA?

• Amo aka kimati

• Nechka

• Amo kema

TLEN KIIJTOUA BIBLIA

“Uan tlakamej tlakamauitij ni kuali tlamachtili tlen kejatsa eltos kema toTeko tlanauatia [...] ipan nochi tlaltinij ipan ni Tlaltipaktli para nochi tlakamej ma kimatikaj. Uan teipa ualas itlamia nochi tlen onka” (Mat. 24:14). Kema nochi maseualmej kikaktosej nopa kuali tlamachtili, uajka toTeotsij iTlanauatijkayo kitsontlamiltis nochi tlen amo kuali.

¿TLAKE SEKINOK TLAMANTLI KIIJTOUA BIBLIA?

• Ipan Tlaltipaktli, amo aka kimati kema peuas tekichiuas toTeotsij iTlanauatijkayo (Mat. 24:36).

• Tlajtolpanextili kinextia toTeotsij iTlanauatijkayo nechka peuas tekichiuas ipan Tlaltipaktli (Mat. 24:3, 7, 12).