SEKIN KIJTOUAJ sekin kinemiliaj ke iTekiuajyo Dios se taman tein tikuikaj itech toyolo. Oksekin kineltokaj ke nejin Tekiuajyot moajsi porin taltikpakneminij mochikauanij kiajsiskej yolseuilis semanauak taltikpak. Tejuatsin, ¿toni tikonnemilia?

TEIN KIJTOUA BIBLIA

“Dios akin nemi iluikak kitalis se tekiuajyot tein amo keman ixpoliuis. [...] Kikuechos uan kitalis itamilis nochi nejin tekiuajyomej” (Daniel 2:44). ITekiuajyo Dios se taixyekanalis tein yekmelauj moajsi.

¿TONI OKACHI KIJTOUA BIBLIA?

• ITekiuajyo Dios ualtaixyekantok ompa iluikak (Mateo 10:7, TNM; Lucas 10:9, TNM).

• Ika iTekiuajyo, Dios kichiua itanejnekilis iluikak uan taltikpak (Mateo 6:10, TNM).

¿TONI TIKONIJTOSKIA?

• Amo akin kimati

• Niman

• Amo keman

TEIN KIJTOUA BIBLIA

“Nejin kuali tanauatilmej ika tekiuajyot motetapouis semanauak taltikpak kampa nemij uan ijkon nochin kimatiskej; uan ompa ejkos tamilis” (Mateo 24:14, TNM). Keman senkis moteixmatiltisya kuali tanauatilmej, ualas iTekiuajyo Dios uan kiixpolos nochi tein amo kuali tein onkak nikan taltikpak.

¿TONI OKACHI KIJTOUA BIBLIA?

• Nikan taltikpak amo akin kimati kemanian ualas iTekiuajyo Dios (Mateo 24:36, TNM).

• Tein achto moijtoj itech Biblia kinextia ke iTekiuajyo Dios niman ualas (Mateo 24:3, 7, 12, TNM).