Ko e Heigoa ne Talahau he Tohi Tapu?
Ko e heigoa e Kautu he Atua?
TALITONU FALU TAGATA ko e fakamailoga he pule he Atua ke he loto he tagata; manatu e falu ko e tagata ka tamai e mafola mo e kaufakalataha. Fēfē e manatu haau?
TALAHAU HE TOHI TAPU
“To fakatu ai he Atua he lagi e kautu nakai fakaoti tukulagi; . . . to tuki malipilipi mo e fakaotioti e tau kautu oti ia [he tagata].” (Tanielu 2:44) Ko e Kautu he Atua ko e fakatufono mooli.
KO E HEIGOA FOKI HA TAUTOLU KA FAKAAKO MAI HE TOHI TAPU
Ko e Kautu he Atua kua pule mai he lagi.—Mataio 10:7; Luka 10:9.
To fakaaoga he Atua e Kautu ke taute e finagalo haana ke he lagi mo e lalolagi.—Mataio 6:10.
To hoko mai a fe e Kautu?
KO E HEIGOA HAAU KA TALAHAU?
Ai fai tagata ne iloa
Nakai leva
Ai hoko mai
TALAHAU HE TOHI TAPU
“To fakamatala atu foki e tala mitaki nai he kautu ke he lalolagi oti, ke eke mo talahau ke he tau atu motu oti; ti hoko mai ai e fakaotiaga.” (Mataio 24:14) Ka katoatoa e tala mitaki he fakamatala, to hoko mai e Kautu ke fakaotioti e fakatokaaga kelea nei.
KO E HEIGOA FOKI HA TAUTOLU KA FAKAAKO MAI HE TOHI TAPU
Nakai fai tagata he lalolagi kua iloa e magaaho tonu ka hoko mai e Kautu he Atua.—Mataio 24:36.
Fakakite mai he tau perofetaaga he Tohi Tapu to nakai leva ti hoko mai e Kautu.—Mataio 24:3, 7, 12.