SAMFALA TINGSE hem samting wea stap long heart. Olketa narawan tingse hem wei wea olketa man bae mekem evriwan long world for garem peace and stap gud tugeta. Hao nao tingting bilong iu abaotem datwan?

BIBLE HEM SEI

“God long heven bae startim wanfala kingdom wea bae nating savve finis. . . . Datfala kingdom bae smasem and finisim evri gavman hia.” (Daniel 2:44) Kingdom bilong God hem wanfala gavman.

WANEM NAO OLKETA NARA SAMTING WEA IUMI SAVVE LANEM FROM BIBLE?

• Kingdom bilong God stap long heven and rul ovarem earth.—Matthew 10:7; Luke 10:9.

• God iusim datfala Kingdom for mekem plan bilong hem kamap tru long heven and long earth. —Matthew 6:10.

WANEM NAO TINGTING BILONG IU?

• No eniwan savve

• Hem klosap for kam

• Hard for hem kam

BIBLE HEM SEI

“Olketa disaepol bilong mi bae talemaot disfala gud nius abaotem Kingdom long evri ples long world mekem pipol long evri kantri mas herem. Bihaen datwan nao, world bae finis.” (Matthew 24:14) Bihaen pipol evriwea long world herem datfala gud nius, Kingdom bae kam and God bae finisim evri nogud samting long world.

WANEM NAO OLKETA NARA SAMTING WEA IUMI SAVVE LANEM FROM BIBLE?

• No eniwan long disfala earth savve long barava taem wea Kingdom bilong God bae kam.—Matthew 24:36.

• Olketa profesi long Bible showimaot klosap nao Kingdom bae kam.—Matthew 24:3, 7, 12.