WAKINKUNAQA NIYAN Diospa Gobiernuntaqa shonquntsikllachö apanqantsiktam; wakinnam creiyan entëru Patsachö yamë kë kanampaq kallpachakuyanqampita yurinqanta. ¿Y qamqa ima ninkimanraq?

BIBLIA YACHATSIKUNQAN

‘Ciëluchö këkaq Diosmi, mana ushakaq gobiernuta churanqa. Y chipyëpam ushakäratsinqa nunakunapa gobiernunta’ (Daniel 2:44). Diospa Gobiernunqa rasumpa kaq mandakïmi.

¿IMA MASTATAQ BIBLIA YACHATSIKUN?

• Diospa Gobiernunqa ciëlupita patsëmi mandakamunqa (Mateu 10:7; Lücas 10:9).

• Diosmi Gobiernunta utilizan ciëluchö y Patsachö munënin rurakänampaq (Mateu 6:10).

¿IMA NINKIMANRAQ?

• Manam ni pï musyantsu

• Ichikllachönam chämunqa

• Manam chämunqatsu

BIBLIA YACHATSIKUNQAN

“Kë gobiernupa alli willakïnintaqa jinantin Patsachömi yachatsikuyanqa, llapan markachö nunakuna musyayänampaq; tsënam ushakë chäramunqa” (Mateu 24:14, NM). Diospa alli willakïnin yachatsikïta, yachatsikur ushariyaptinmi, Diospa Gobiernun chäramur entëru Patsachö mana alli kaqkunata ushakäratsinqa.

¿IMA MASTATAQ BIBLIA YACHATSIKUN?

• Manam kë Patsachöqa ni pï musyantsu Diospa Gobiernun imë höra chämunampaq kaqta (Mateu 24:36).

• Bibliapa willakïninkunam rikätsikun Diospa Gobiernun këllachöna këkanqanta (Mateu 24:3, 7, 12).