HUAQUIN GENTECUNACA Diospaj Mandanataca ñucanchij shungupimi charinchij nincunami. Shujtajcunaca, alli causai tiyachun gobiernocuna imalla rurashcacunami can nincunami. ¿Canca imatataj yuyangui?

BIBLIACA CAITAMI YACHACHIN

‘Jahua pacha Taita Diosca nunca pi mana chingachina mandanatami churanga. Cai pachapi mandaj gentecunataca tucuitami ñutushpa chingachinga’ ninmi (Daniel 2:44). Diospaj Mandanaca mana shuj muscuillachu. Diosca cai Allpata mandangami.

¿BIBLIACA IMATATAJ ASHTAHUAN YACHACHIN?

• Diosca Jahua pachamantami mandanga (Mateo 10:7; Lucas 10:9).

• Diosca paipaj mandanahuanmi Jahua pachapipish cai pachapipish paipaj munaita ruranga (Mateo 6:10, NM).

¿QUIQUINCA IMATATAJ NINGUIMAN?

• Ni pi mana yachanchu

• Ñallami mandanga

• Nunca mana mandangachu

BIBLIACA CAITAMI YACHACHIN

“Dios mandacun alli huillaitaca, tucui cai pachapi causajcunamanmi huillashpa yachaj chayachishca canga. Chai qꞌuipami cai shina causaica tucuringa” ninmi (Mateo 24:14). Alli huillaicunata tucui cai Allpapi huillashca qꞌuipami Diospaj Mandanaca cai mundopi tiyashca llaquicunata tucuchinga.

¿BIBLIACA IMATATAJ ASHTAHUAN YACHACHIN?

• Cai Allpapica Diospaj Mandana ima hora mandanataca ni pi mana yachanchu (Mateo 24:36).

• Bibliapi parlashca profeciacunaca Dios cai Allpata ñalla mandana cashcatami yachachin (Mateo 24:3, 7, 12).