Andi da di Könuköndë u Gadu?
Andi da di Könuköndë u Gadu?
SO SËMBË TA BIIBI TAA di Könuköndë da di tii di Gadu ta tii a wan sëmbë hati dendu. Wotowan ta pakisei taa a dë di möiti di libisëmbë ta mbei u tja bööböö libi ko a di goonliba aki. Andi ii ta pakisei?
ANDI DI BËIBEL TA LEI?
„Di Gadu u liba ala o seti wan könuköndë di an o booko wan daka. . . A o booko hii dee könuköndë aki pisipisi” (Daniëli 2:44). Di Könuköndë u Gadu da wan tii di dë tuutuu.
UN WOTO SONI U SA LEI A DI BËIBEL?
Di Könuköndë u Gadu dë a liba ala ta tii. —Mateosi 10:7; Lukasi 10:9.
Gadu ta wooko ku di Könuköndë faa mbei di kë fëën pasa a liba ala ku goonliba aki.—Mateosi 6:10.
Na un ten di Könuköndë u Gadu o ko?
UNFA I BI O PIKI?
Na wan sëmbë sabi
Abiti möön
Nöiti
ANDI DI BËIBEL TA TAKI
„Di bunu buka u di Njunjun Tii u Gadu musu paaja te dou hii goonliba e, be hii föluku musu jei. Nöö baka u di dë ufö di ten u dë aki o kaba” (Mateosi 24:14). Te di bunu buka paaja tjika, nöö di Könuköndë o booko di hogi goonliba aki kaba a sösö.
UN WOTO SONI U SA LEI A DI BËIBEL?
Na wan sëmbë a goonliba aki sabi di daka di di Könuköndë u Gadu o ko.—Mateosi 24:36.
Dee tjabukama woto u Bëibel ta lei taa di Könuköndë u Gadu o ko abiti möön.—Mateosi 24:3, 7, 12.