San Bijbel e leri?
San na a Kownukondre fu Gado?
SON SMA E BRIBI taki Gado Kownukondre de na ini sma ati. Tra sma e bribi taki Gado Kownukondre na a situwâsi di o de na grontapu, baka te libisma tyari freide nanga wánfasi kon na heri grontapu. San yu e denki?
SAN BIJBEL E TAKI?
„A Gado fu hemel o seti wan kownukondre di noiti no o kisi pori. . . . A o broko ala den [libisma] kownukondre disi pisipisi èn a o tyari wan kaba kon na den” (Danièl 2:44). Gado Kownukondre na wan trutru regering.
SORTU TRA SANI WI KAN LERI FU BIJBEL?
A Kownukondre fu Gado e tiri komoto fu hemel. —Mateyus 10:7; Lukas 10:9.
Nanga yepi fu a Kownukondre disi, Gado e meki a wani fu en pasa na hemel èn na grontapu.—Mateyus 6:10.
O ten Gado Kownukondre o kon?
SAN YU BEN O TAKI?
Nowan sma sabi
Heri esi
Noiti
SAN BIJBEL E TAKI?
„A bun nyunsu disi fu a Kownukondre o preiki gi sma na heri grontapu, so taki sma fu ala kondre kan yere dati, èn dan a kaba o kon” (Mateyus 24:14). Te a bun nyunsu preiki na heri grontapu, dan a Kownukondre o kon fu tyari wan kaba kon na a ogri grontapu disi.
SORTU TRA SANI WI KAN LERI FU BIJBEL?
Nowan sma na grontapu sabi soifri o ten Gado Kownukondre o kon.—Mateyus 24:36.
Bijbel profeititori e sori taki a Kownukondre o kon heri esi.—Mateyus 24:3, 7, 12.