Baebele Ya Reng Ka Kgang Eno?
Bogosi Jwa Modimo ke eng?
BATHO BANGWE BA RE bo mo pelong ya motho; ba bangwe ba akanya gore batho ke bone ba tla tlisang kagiso le kutlwano mo lefatsheng lotlhe. Wena o akanya eng?
SE BAEBELE E SE BUANG
“Modimo wa legodimo o tla tlhoma bogosi jo bo se kitlang bo senngwa le ka motlha. . . . Bo tla thubaganya bo fedisa magosi ano otlhe, mme bo tla ema ka bosakhutleng.” (Daniele 2:44) Bogosi Jwa Modimo ke puso ya mmatota.
SE GAPE RE SE ITHUTANG MO BAEBELENG
Bogosi Jwa Modimo bo busa go tswa kwa legodimong.—Mathaio 10:7; Luke 10:9.
Modimo o dirisa Bogosi joo go diragatsa thato ya gagwe kwa legodimong le mo lefatsheng.—Mathaio 6:10.
Bogosi Jwa Modimo bo tla tla leng?
O KA RENG?
Ga go ope yo o itseng
Mo nakong e e sa fediseng pelo
Ga bo kitla bo tla
SE BAEBELE E SE BUANG
“Dikgang tse di molemo tseno tsa bogosi di tla rerwa mo lefatsheng lotlhe le le nang le banni gore e nne bosupi mo ditšhabeng tsotlhe; mme go tswa foo bokhutlo bo tla tla.” (Mathaio 24:14) Fa dikgang tse di molemo di sena go rerwa mo lefatsheng lotlhe, Bogosi bo tla tla go fedisa batho ba lefatshe leno ba ba bosula.
SE GAPE RE SE ITHUTANG MO BAEBELENG
Ga go ope yo o itseng gore Bogosi Jwa Modimo bo tla leng.—Mathaio 24:36.
Boporofeti jwa Baebele bo bontsha gore Bogosi bo tla tla mo nakong e e sa fediseng pelo. —Mathaio 24:3, 7, 12.
Tse Dingwe Tse O ka Di Kgatlhegelang
DIKARABO TSA DIPOTSO TSA BAEBELE
A Bogosi Jwa Modimo bo mo Pelong ya Gago?
Baebele e kayang fa e re “bogosi jwa Modimo bo mo teng ga lona”?
TORA YA TEBELO
Goreng o Tshwanetse go Rapelela Bogosi Jwa Modimo Gore bo Tle?
Ke eng se Bogosi jwa Modimo bo tla se dirang se dipuso tsa batho di ka se kgoneng go se dira?
