AY MACHʼATIK YA YALIK te jaʼ te utsilal ta chʼulchane, ay yantik ya skuyik te jaʼ te bin ya yichʼ tael kʼalal te ants winiketik ya spasik tulan te ayuk lamalkʼinal sok te jun-nax ya x-ayinike. ¿Bin ya anop te jaʼate?

TE BIN YA YAL TE BIBLIAE

«Te Dios ta chʼulchan ya me shach jchahp ban cʼalal ya scuentahin jtuhl ajwalil te mayuc bin ora ya xlaj [...], ha ya swuyticlan soc ya slajinlan spisil te jchahp ban cʼalal scuentahinejic te ajwaliletic ini» (Daniel 2:44). Te Ajwalinel yuʼun Dios yuʼun-nix smelelil-a.

¿BIN YA YALXAN TE BIBLIAE?

• Te Ajwalinel yuʼun Dios ya xmantalteswan kʼalalto ta chʼulchan (Mateo 10:7; Lucas 10:9).

• Ta swenta te Ajwalinel yuʼune, te Dios ya yakʼ xpastaj te skʼanojel yoʼtan ta chʼulchan sok ta Balumilal (Mateo 6:10).

¿BIN SUJTIB YA AWAKʼBEY?

• Maʼyuk machʼa ya snaʼ

• Nopolix

• Maʼyuk bin-ora

TE BIN YA YAL TE BIBLIAE

«Ya me xpuhc ta halel ta swohlol bahlumilal scʼoblal te lec yachʼil cʼop yuʼun te cuentahinel yuʼun Dios, scuenta testigo-cʼop ta stojol spisil nacionetic, ha to me ya xtal a te slajibal cʼahcʼale» (Mateo 24:14). Kʼalal ya stsʼakaj ta cholel te lek yachʼil kʼop, yame xtal te Ajwalinel yuʼun te Dios sok ya slajin spisil te bintik chopol ta Balumilal.

¿BIN YA YALXAN TE BIBLIAE?

• Ta Balumilal maʼyuk machʼa ya snaʼ bin-ora ya xtal te Ajwalinel yuʼun te Diose (Mateo 24:36).

• Te albilkʼopetik yuʼun te Biblia ya yakʼik ta ilel te nopolix ya xtal te Ajwalinele (Mateo 24:3, 7, 12).