Usoma wa Suku u Lomboloka Nye?
Usoma wa Suku u Lomboloka Nye?
OMANU VAMUE VA TAVA okuti, ocindekaise cusoma wa Suku vutima womunu; vakuavo va sima okuti onima yi tunda kelikolisilo liomanu lioku nena ombembua kuenda omunga voluali luosi. Cipi ocisimĩlo cove?
CECI EMBIMBILIYA LI POPIA
“Suku yokilu o katula usoma, kuenje ka u nyolẽha. . . . puãi owo u nyõla loku lia ovosoma aco osi, [omanu].” (Daniele 2:44) Usoma wa Suku uviali umue wocili.
CECI TU LILONGISA VALI VEMBIMBILIYA
Usoma wa Suku, u ka viala tunde kilu.—Mateo 10:7; Luka 10:9.
Suku o talavaya Lusoma oco a tẽlise ocipango caye kilu kuenda palo posi.—Mateo 6:10.
Otembo yipi Usoma wa Suku wiya?
O PONDOLA HẼ OKU POPIA HATI?
Lomue wa ci kũlĩha
Ndopo wiya
Lalimue eteke u keya
CECI EMBIMBILIYA LI POPIA
“Olondaka evi viwa Viusoma vi kundilua koluali luosi ha vi lingi uvangi kolofeka viosi, oco esulilo liya noke.” (Mateo 24:14) Eci olondaka viwa vi kundiwa koluali luosi, Usoma wiya oco u nyõle oluali lulo lũvi.
CECI TU LILONGISA VALI VEMBIMBILIYA
Voluali lomue wa kũlĩha eteke Usoma wa Suku u keya.—Mateo 24:36.
Ocitumasuku Cembimbiliya ci lekisa okuti Usoma ndopo wiya.—Mateo 24:3, 7, 12.