Muvhuso Wa Mudzimu Ndi Mini?
Muvhuso wa Mudzimu ndi mini?
VHAṄWE VHATHU VHA TENDA uri Muvhuso wa Mudzimu u mbiluni ya muthu; vhaṅwe vha humbula uri ndi vhuḓidini vhune ha itwa nga vhathu u itela uri hu vhe na mulalo na vhuthihi shangoni. Ni humbula mini?
ZWINE BIVHILI YA AMBA ZWONE
“Ndi hone Mudzimu wa ṱaḓulu a tshi ḓo vusa muvhuso une wa sa ḓo tshinyala lini na Iini. . . . Wonoyo u ḓo pwashakanya mivhuso yoṱhe [ya vhathu] wa i lozwa.” (Daniele 2:44) Muvhuso wa Mudzimu ndi muvhuso wa vhukuma.
ZWIṄWE ZWINE RA NGA ZWI GUDA BIVHILINI
Muvhuso wa Mudzimu u vhusa u ṱaḓulu.—Mateo 10:7; Luka 10:9.
Mudzimu u shumisa Muvhuso u ḓadzisa zwine a zwi funa uri zwi itwe ṱaḓulu na kha ḽifhasi.—Mateo 6:10.
Muvhuso wa Mudzimu u ḓo ḓa lini?
NI NGA RI MINI?
A huna ane a zwi ḓivha
Hu si kale
A u nga ḓi
ZWINE BIVHILI YA AMBA
“Mafhungo maḓifha aya a Muvhuso a ḓo ḓivhadzwa ḽifhasini ḽoṱhe uri zwi vhe vhuṱanzi kha tshaka dzoṱhe, nga murahu ndi hone vhufhelo vhu tshi ḓo ḓa.” (Mateo 24:14) Musi mafhungo maḓifha o no huwelelwa fhethu hoṱhe, Muvhuso u ḓo fhelisa ano maitele mavhi a zwithu.
ZWIṄWE ZWINE RA ZWI GUDA BIVHILINI
A huna ane a ḓivha kha ḽifhasi uri Muvhuso wa Mudzimu u ḓo ḓa lini.—Mateo 24:36.
Vhuporofita vhu re Bivhilini vhu sumbedza uri Muvhuso wa Mudzimu u ḓo ḓa hu si kale. —Mateo 24:3, 7, 12.
You May Also Like
MBUDZISO DZA BIVHILI DZO FHINDULWA
Naa Muvhuso Wa Mudzimu U Mbiluni Yaṋu?
Arali Bivhili yaṋu i tshi amba uri Yesu o ri “muvhuso wa Mudzimu u ngomu haṋu,” zwi amba mini?
TSHIINGAMO
Ndi Ngani Ri Tshi Rabelela Muvhuso Wa Mudzimu Uri U Ḓe?
Ndi mini zwine Muvhuso wa Mudzimu wa ḓo zwi ita zwine muvhuso wa vhathu wa si zwi kone?
