¿Baʼax u Reino Dios?
¿Baʼax u Reino Dios?
YAAN MÁAX AʼALIKEʼ u Reino Dioseʼ junpʼéel baʼax yaan t-puksiʼikʼal; uláakʼoʼobeʼ ku yaʼalikoʼobeʼ letiʼe baʼaxoʼob ku beetik wíinik utiaʼal ka yanak jeetsʼelil tuláakal tuʼuxoʼ. Techeʼ ¿baʼax ka tuklik?
BAʼAX KU YAʼALIK LE BIBLIAOʼ
«U [Diosil] kaʼaneʼ bíin u líiʼs junpʼéel [reino] mix bikʼin bíin xuʼulsaʼak, [...] yaan u xuʼulsik junpuliʼ tuláakal le uláakʼ [reinoʼoboʼ].» (Daniel 2:44.) U Reino Dioseʼ junpʼéel gobierno jach tu jaajil yaan.
BAʼAX ULÁAKʼ KU YAʼALIK LE BIBLIAOʼ
U Reino Dioseʼ táan u gobernar teʼ kaʼanoʼ (Mateo 10:7; Lucas 10:9).
Yéetel u Reinoeʼ, Dioseʼ yaan u beetik baʼax u kʼáat teʼ kaʼanoʼ bey xan way Luʼumeʼ (Mateo 6:10).
¿Baʼax kʼiin u taal u Reino Dios?
TECHEʼ ¿BAʼAX JEʼEL A WAʼALIKEʼ?
Mix máak u yojel
Taʼaytak
Mix bikʼin
BAʼAX KU YAʼALIK LE BIBLIAOʼ
«U maʼalob péektsilil le Reinoaʼ yaan u kʼaʼaytaʼal tiʼ tuláakal yóokʼol kaab utiaʼal ka ojéeltaʼak tumen u kajnáaliloʼob tuláakal kaajoʼob, ken tsʼoʼokkeʼ letiʼ túun ken taalak u xuul.» (Mateo 24:14.) Ken tsʼoʼokok u tsikbaltaʼal le maʼalob péektsil tuláakal tuʼuxoʼ letiʼe ken xuʼulsaʼak le kʼasaʼan yóokʼol kaaboʼ.
BAʼAX ULÁAKʼ KU YAʼALIK LE BIBLIAOʼ
Way Luʼumeʼ mix máak u yojel jach baʼax kʼiin ken taalak u Reino Dios (Mateo 24:36).
Le profecíaʼoboʼ ku yeʼeskoʼobeʼ maʼ tun xáantal ken taalak le Reinooʼ (Mateo 24:3, 7, 12).