ЧАХЕ кәсәк пʹешкʹешәкә мәхсус дьдә тә, әв йәк гәрәке тә һелан кә рʹазибуна хԝә бьди кʹьфше. Иса әв йәк рʹьнд нишан кьр бь мәсәла дәһә мәрьва, йед кӧ бь нәхԝәшикә гьран нәхԝәш бун у карьбун ԛәнщ бьн. Жь ԝан мәрьва тʹәне йәк «пашда вәгәрʹийа, бь дәнгәки бьльнд шькьри дьда Хԝәде». Иса гот: «Нә һәр дәһ һатьнә паԛьжкьрьн? Кʹа һәр нәһед дьн ль кʹӧ дәре нә?» (Луԛа 17:12-17). Жь ве мәсәле чь те кʹьфше? Әм ча зу бир дькьн ԛәнщийа кӧ бона мә дькьн!

Кʹьрин нькарә бәрамбәри пʹешкʹешед дьн бә. Әв пʹешкʹешәкә лапә мәзьн у ԛимәт ә, кӧ нава тʹәрихийа инсанәтеда һатийә дайине. Ле тӧ ча хԝә дьди кʹьфше һьндава тьште ԛимәт, кӧ Хԝәде сәва һʹалхԝәшийа тә кьрийә?

• Пебьһʹәсә дәрһәԛа Кәсе кӧ пʹешкʹеш дайә тә. Бь хԝә кʹьрин нькарә жийина һʹәта-һʹәтайе бьдә һʹәму мәрийа. Иса бь дӧа Хԝәдерʹа гот: «Әв ә жийина һʹәта-һʹәтайе, ԝәки әԝ тә нас кьн, чаԝа Хԝәдейе рʹасти бешьрики-беһәвал у ӧса жи Иса Мәсиһе кӧ  тә шандийә» (Йуһʹәнна 17:3). Һәрге тәрʹа бьготана кӧ бьчʹуктайа тәда мәрьвәки тӧ жь мьрьне хьлаз кьри, һәмьки тәйе бьхԝәста дәрһәԛа ԝи һе зедә пебьһʹәсийайи у ӧса жи кӧ чьма әԝи тӧ хьлаз кьри. Йаһоԝа Хԝәде пʹешкʹеша кʹьрине дайә мә, йе кӧ жийина мә хьлаз дькә. У әԝ дьхԝазә ԝәки тӧ нә кӧ тʹәне дәрһәԛа ԝи бьзаньби, ле ӧса жи незики ԝи би. Кʹьтеба Пироз дьбежә: «Хԝә ль Хԝәде бьгьрьн, Хԝәде жи ԝе хԝә ль ԝә бьгьрә» (Аԛуб 4:8).

• Баԝәрийа хԝә кʹьрине бинә. «Әԝе кӧ Кӧрʹ баԝәр дькә, жийина ԝийә һʹәта-һʹәтайе һәйә» (Йуһʹәнна 3:36). Чь те һʹәсабе баԝәрийа хԝә кʹьрине биньн? Әв те һʹәсабе бь кьред хԝә бьдьнә кʹьфше кӧ баԝәрийа мә һәйә (Аԛуб 2:17). Бь чь кьра? Пешкʹеш тʹәне һьнге дьбә йа тә, чахе тӧ әве һьлдьди у ԛәбул дьки. Демәк кʹьрʹине жи гәрәке ԛәбул кьн у ча бежи һьлдьн. Чь щурʹәйи? Пебьһʹәсә кӧ ль гора ԛьрара Хԝәде тӧ чаԝа гәрәке бьжийи, у паше ль гора ве йәке хԝә кʹьфш кә. * Хԝәдерʹа дӧа бькә кӧ тә бьбахшинә у исафа тʹәмьз бьдә тә. Тӧ гәрәке баԝәр бьки кӧ бь сайа кʹьрине әме жийина һʹәта-һʹәтайе бьстиньн у бьжин әʹдьлайеда, бехофийеда у ләзәте бьвиньн. Әԝ һʹәму тьшт ԝе бьстиньн мәрьвед кӧ баԝәрийа хԝә кʹьрине тиньн! (Ибрани 11:1).

• Һазьр бә ль сәр Евара Биранина мьрьна Иса. Иса әв ԛәԝьмандьна һәрсали кʹьфш кьр, сәва кӧ әм бькьнә бира хԝә пʹешкʹеша ԛимәт демәк кʹьрʹин. Дәрһәԛа дәрбазкьрьна ве ԛәԝьмандьне Иса гот: «Ве йәке бона биранина мьн бькьн» (Луԛа 22:19). Шәʹдед Йаһоԝа ԝе мьрьна Иса биньн бира хԝә ль рʹожа Сешәме, 11 Нисане сала 2017, чахе рʹо һәрʹә ава. Әв бәрнама ԝе сьһʹәтәке бькʹьшинә, у ль ԝьр ԝе бе шьроԝәкьрьне ԝәки ԛӧрбанбуна Иса чь щурʹәйи дькарә мәрʹа ньһа кʹар бә у ль ахьрийеда жи кʹәрәма бинә. Сала пар, ԝәкә 20 милйон мәрьв нав тʹәмамийа дьнйайе ль сәр Евара Биранине щьвйа бун. Әм бь дьл у щан ԝә тʹәглиф дькьн сәва кӧ бь ве йәке рʹазибуна хԝә һьндава пʹешкʹеша Хԝәдейе пʹьрʹ мәзьн бьдьнә кʹьфше.