Mɛni Baiblo ɔ De?
Anɛ a maa ye dami sane ngɛ zugba a nɔ ligbi ko lo?
Kɛ o ma ha heto kɛɛ?
Ee
Dɛbi
Eko ɔ
Nɔ́ nɛ Baiblo ɔ de
‘Yehowa, i le kaa nihi nɛ a ní ngɛ mɔbɔ ɔ, mo lɛ o hyɛɛ a nɔ, nɛ o yeɔ ohiatsɛmɛ a sane ha mɛ.’ (La 140:12) Mawu Matsɛ Yemi ɔ ma ha nɛ a ye dami sane ngɛ zugba a nɔ.
Mɛni hu wa ma nyɛ maa kase ngɛ Baiblo ɔ mi?
Mawu naa dami sane nɛ a yi ngɛ je ɔ mi mwɔnɛ ɔ, nɛ e ma tsu he ní.
—Fiɛlɔ 5:8. Ke Mawu ha nɛ a ye dami sane ngɛ zugba a nɔ ɔ, lɔ ɔ maa ngɔ tue mi jɔmi kɛ he jɔmi kɛ ba.
—Yesaya 32:16-18.
Anɛ Mawu suɔ nihi pɔtɛɛ komɛ pe ni kpahi lo?
Ni komɛ heɔ yeɔ kaa Mawu jɔɔ nihi pɔtɛɛ komɛ aloo e gbiɛ nihi pɔtɛɛ komɛ. Nɛ ni komɛ hu heɔ yeɔ kaa adesahi tsuo sɔ ngɛ Mawu hɛ mi. Kɛ o susu kɛɛ?
Nɔ́ nɛ Baiblo ɔ de
“Mawu hyɛ we nɔ hɛ mi. Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.” (Bɔfo Ɔmɛ A Ní Tsumi 10:34, 35) Ngɛ Mawu hɛ mi ɔ, adesahi tsuo sɔ.
Mɛni hu wa ma nyɛ maa kase ngɛ Baiblo ɔ mi?
Baiblo ɔ hɛɛ “sane kpakpa” kɛ ha “mahi kɛ wɛtsohi, kɛ gbihi kɛ nimli tsuo.”
—Kpojemi 14:6.
Eko ɔ, O Bua Maa Jɔ Enɛ ɔ Hu He
BAIBLO Ɔ TSAKEƆ NIHI A SI HIMI
I Fia Ye Pɛɛ Si Kaa Ma Hwu Kɛ Si Dami Sane Nɛ A Yi
Rafika ya piɛɛ kuu ko he konɛ e nyɛ nɛ e hwu kɛ si dami sane nɛ a yi ɔ. Se e ba na kaa Baiblo ɔ wo si kaa ke Mawu Matsɛ Yemi ɔ ba a, tue mi jɔmi kɛ dami sane yemi maa ba.
