Bible Ọdọhọ Didie?
Ndi oyodu ini emi owo mîdikpehe aba ukwan̄ikpe ke isọn̄ emi?
Didie ke ọkpọbọrọ?
Ih
Ihih
Ekeme ndidi
Se Bible ọdọhọde
“Mmetịm mfiọk ke Jehovah eyekpe ikpe owo ukụt, onyụn̄ ebiere ikpe nte enende ọnọ mme ubuene.” (Psalm 140:12) Obio Ubọn̄ Abasi ayanam ẹkpe unenikpe ke ofụri isọn̄.
Nso en̄wen ke Bible ọdọhọ?
Abasi okụt nte ẹfịkde ẹnyụn̄ ẹtụkde mme owo ke ererimbot emi, ndien enye ayanam utọ n̄kpọ oro etre ke mîbịghike. —Ecclesiastes 5:8.
Abasi eyetre ufịk ye utụk onyụn̄ anam emem odu ke ofụri isọn̄.—Isaiah 32:16-18.
Ndi Abasi ama ndusụk owo akan ndusụk?
Ndusụk owo ẹnịm ke enyene mme idụt emi Abasi amade onyụn̄ enyene mbon emi enye asuade, edi mbon en̄wen ẹnịm ke Abasi ada kpukpru owo ukem ukem. Afo ekere didie?
Se Bible ọdọhọde
“Abasi inamke asari, edi ke kpukpru idụt enye enyenyịme owo eke abakde enye onyụn̄ anamde edinen ido.” (Utom 10:34, 35) Abasi ada kpukpru owo ukem ukem.
Nso en̄wen ke Bible ọdọhọ?
“Eti mbụk” odu ke Bible ọnọ “kpukpru mme idụt ye esien ye usem ye obio.” —Ediyarade 14:6.
Ekeme Ndidi Ayama Mmọ Emi N̄ko
BIBLE EKEME NDIBỌRỌ MBỤME FO
Ndi Ẹkpeduọhọ Abasi ke Ufen Emi Ibọde?
Owo ekededi ekeme ndibọ ufen—idem mbon oro Abasi amade. Ntak-a?
BIBLE OKPỤHỌDE MME OWO
N̄koyom Nditre Asari
Rafika ama etiene odụk n̄ka kiet emi ẹkeyomde ukpụhọde man enye ekeme nditre asari. Edi enye ama edikụt ke Bible ọn̄wọn̄ọ ke emem ye unenikpe ẹdidu ke ini Obio Ubọn̄ Abasi edikarade.
