Ania ti Kuna ti Biblia?
Maaddanto pay ngata ti pudno a hustisia ditoy daga?
Panagkunam?
Wen
Saan
Siguro
Ti kuna ti Biblia
“Pagaammok unay a ni Jehova ipakatnanto ti legal a dawat daydiay naparigatan, ti pannakaukom dagidiay napanglaw.” (Salmo 140:12) Iyegto ti Pagarian ti Dios ti pudno a hustisia ditoy daga.
Ania pay ti maammuantayo iti Biblia?
Makitkita ti Dios dagiti mapaspasamak a di kinahustisia ditoy lubong ket ilintegnanto dayta.—Eclesiastes 5:8.
Maaddanto ti talna ken kinatalged ditoy daga babaen iti hustisia ti Dios.—Isaias 32:16-18.
Adda kadi pabpaboran ti Dios a grupo ti tattao?
Adda dagiti mamati a bendisionan wenno ilunod ti Dios dagiti espesipiko a grupo ti tattao. Patien met ti dadduma a patas ti panangtratona iti amin. Ania ti makunam?
Ti kuna ti Biblia
“Ti Dios saan a mangidumduma, no di ket iti tunggal nasion anamonganna ti tao nga agbuteng kenkuana ken agaramid iti kinalinteg.” (Aramid 10:34, 35) Para iti Dios, agpapada ti amin a tao.
Ania pay ti maammuantayo iti Biblia?
Adda “naimbag a damag” ti Biblia para iti “tunggal nasion ken tribu ken pagsasao ken ili.”—Apocalipsis 14:6.