Ta Eo Baibõl̦ Ej Ba?
Enaaj ke wõr ekajet jim̦we ilo lal̦ in?
Kwõnaaj kar ba ta?
Aet
Jaab
Bõlen
Ekkar ñan Baibõl̦
“O Irooj, ijel̦ã bwe kwõj jojomar ñan ro rijjeram̦õl, im kõm̦m̦an ekajet jim̦we ñan ro riaikuj.” (Sam 140:12, UBS) Aelõñ eo an Anij enaaj bõktok ekajet jim̦we ñan lal̦ in.
Ta men ko jet Baibõl̦ ej ba?
Anij ej loi aolep men ko renana im rejjab jim̦we me rej wal̦o̦k ilo lal̦ in kiiõ, im enaaj julo̦ki.—Ekklisiastis 5:8.
Anij enaaj kwal̦o̦k an ekajet jim̦we im bõktok aenõm̦m̦an im jokwane ñan lal̦ in.—Aiseia 32:16-18, UBS.
Anij ej ke kaorõk jet aelõñ jãn jet?
Jet armej rej tõmak bwe Anij ej kajeraam̦m̦an jet aelõñ im ej kõm̦m̦an bwe men ko renana ren wal̦o̦k ñan aelõñ ko jet. Ak jet rej tõmak bwe Anij ej kõm̦m̦an em̦m̦an ñan aolep armej jekdo̦o̦n aelõñ ta eo aer. Ta l̦õmn̦ak eo am̦?
Ekkar ñan Baibõl̦
“Anij ej kõm̦m̦an ñan armej otemjej ilo ejjel̦o̦k kalijekl̦o̦k. Jabdewõt eo ej kautieje im kõm̦m̦an jim̦we, ej kabuñbũruon, jekdo̦o̦n riaelõñ et.” (Jerbal 10:34, 35, UBS) Aolep armej rej joñan wõt juon im̦aan mejãn Anij.
Ta men ko jet Baibõl̦ ej ba?
Baibõl̦ ej kwal̦o̦k ‘Ennaan eo Em̦m̦an’ ñan “aelõñ otemjej im bwij im kajin im jowi otemjej.”—Revelesõn 14:6, UBS.
