¿Toni kijtoua Biblia?
¿Onkas se tonal melaujkayot nikan taltikpak?
¿Toni tikonijtoskia tejuatsin?
Kemaj
Amo
Xa
Tein kijtoua Biblia
“Jiova kipaleuis akin ika mauiltiaj uan kichiuas maj onka melaujkayot iuan akin amo kipia itapaleuijkauj.” (Salmo 140:12.) Itaixyekanalis Dios kichiuas maj onka melaujkayot itech taltikpak.
¿Toni okachi kijtoua Biblia?
Dios kiita teikamauiltilis tein mochiujtok uan kiyektalis (Eclesiastés 5:8).
Imelaujkayo Dios kiualkuis yolseuilis uan se kuali nemilis (Isaías 32:16-18).
¿Kinpaleuia Dios sayoj sekin?
Tein kineltokaj sekin kineltokaj ke Dios kintatiochiuiani sayoj sekin, uan oksekin kintatsakuiltiani, sayoj ke oksekin kinemiliaj ke Dios amo akin kichikotasojta. Tejuatsin, ¿toni tikonnemilia?
Tein kijtoua Biblia
“Dios amo kinchichikojtasojta in tagayot. Ta, Yejuatsin kiniknelia [...] komo yejuan kimouistiliaj Yejuatsin uan chipaukanentinemij.” (Hechos 10:34, 35.) Dios, amo akin kichikotasojta.
¿Toni okachi kijtoua Biblia?
Biblia kinmatiltia tein kuali “nochi paísme uan [...] nochi tataman pueblojuani uan intsalan nochi tataman tagayot ten tajtoaj ika tataman tajtolis” (Apocalipsis [Revelación] 14:6).
Xa no tikonuelitas
ITAJTOL DIOS KIPATAK ININNEMILIS
Kitemouaya maj amo akin techikoita
Rafika peuak mosentilia iniuan seki taltikpakneminij akin kitemouayaj maj amo kinchikoitakanok akin okseko kayomej. Satepan kimatik ke Biblia kijtoua ke iTekiuajyo Dios kichiuas maj itech taltikpak onka yolseuilis uan maj mochiua tein kuali.
