Hadia Niwaʼö Zura Niʼamoniʼö?
Hadia so dania waʼatulö sindruhu ba gulidanö?
Hadia wanemau li?
Yaʼia
Tenga
Te yaʼia
Hadia niwaʼö Zura Niʼamoniʼö
”Uʼila, wa iʼohe ba lala huhuo zebua famakao Yehowa, awö wa iʼohe ba zatulö hadia ia ba zi numana.” (Zinunö 140:13) Iʼasogö dania waʼatulö sindruhu Mbanua Lowalangi ba gulidanö.
Hadia nasa nifahaʼö Zura Niʼamoniʼö?
Iʼila Lowalangi walöʼatulö ba gulidanö, ba hasambalö iheta daʼö.—Zangombakha 5:7.
Faʼatulö moroi khö Lowalangi zangaʼasogö faʼatulö ba faʼahono dödö ba gulidanö.—Yesaya 32:16-18.
Hadia iʼomasiʼö Lowalangi zi sambua ngawawa moroi ba danö böʼö?
So ösa zi faduhu tödö wa ifahowuʼö Lowalangi mazui iʼelifi zi sambua ngawawa si no mutatugöi. Tanö böʼönia faduhu dödöra wa lö ebua dödö zambuana Lowalangi ba niha. Hewisa moloʼö yaʼugö?
Hadia niwaʼö Zura Niʼamoniʼö
”Lö ifaigi mbawa niha Lowalangi, dozi sa, ha soi ira, sangataʼufi yaʼia, solau satulö, daʼö zomasi ia.” (Halöwö Zinenge 10:34, 35) Ba wamaigi Lowalangi fagölö fefu niha.
Hadia nasa nifahaʼö Zura Niʼamoniʼö?
Ba Zura Niʼamoniʼö so ”turia somuso dödö” khö ”ngawalö niwa, ba ba ngawalö li, ba ba ngawalö mado fefu”.—Famaʼeleʼö 14:6.
