Ko e Heigoa ne Talahau he Tohi Tapu?
To fai fakafili tonu mooli nakai he lalolagi?
Ko e heigoa haau ka talahau?
Ē
Nakai
Liga
Talahau he Tohi Tapu
“Kua iloa ni e au to fetoko ni e Iehova ma e tagata matematekelea, to eke fakafiliaga [fakafili tonu] ma e tau tagata nonofogati.” (Salamo 140:12) To tamai he Kautu he Atua e fakafili tonu mooli ke he lalolagi.
Ko e heigoa foki ha tautolu ka fakaako mai he Tohi Tapu?
Kitia he Atua e nakai fakafili tonu he lalolagi mogonei, mo e to fakahako e ia.—Fakamatalaaga 5:8.
Ko e fakafili tonu he Atua ka tamai e mafola mo e haohao mitaki ke he lalolagi.—Isaia 32:16-18.
Fiafia kia e Atua ke he taha matakau tagata?
Talitonu falu tagata na fakamonuina po ke fakahala he Atua e falu matakau tagata, ka e talitonu falu na tatai oti e tau tagata ki mua he Atua. Fēfē e manatu haau?
Talahau he Tohi Tapu
“Nakai fakamailoga tagata e Atua. Ka ko e tau tagata he tau motu oti kana ne matakutaku kia ia mo e mahani tututonu, kua talia ai e ia.” (Gahua 10:34, 35) Ke he onoonoaga he Atua, kua tatai e tau tagata oti.
Ko e heigoa foki ha tautolu ka fakaako mai he Tohi Tapu?
Ha ha he Tohi Tapu e “vagahau mitaki” ma e “tau motu kehe oti, mo e tau magafaoa, mo e tau vagahau kehekehe, mo e tau motu.”—Fakakiteaga 14:6.