Dahme Paipel Mahsanih?
Ia duwe, pwung pahrek pahn kak wiawi nin sampah?
Dahme ke pahn nda?
Ei
Soh
Mwein
Dahme Paipel mahsanih
“I patohwan ese me komw kin ketin doarehla pwung en me semwehmwe kan.” (Melkahka 140:12) Wehin Koht pahn wahdo pwung pahrek nin sampah.
Dahme kitail pil kak sukuhlkihsang Paipel?
Koht kin ketin mwahngih kopwung sapahrek me kin wiawi nin sampah wet, oh e pahn ketin kapwungala met.—Eklesiasdes 5:8.
Pwung pahrek me Koht pahn ketikihdo pahn wahdo popohl oh soahng kan me sohte keper nin sampah.—Aiseia 32:16-18.
Ia duwe, Koht kin ketin lipilipilki pwihnen aramas akan?
Ekei aramas kin kamehlele me Koht kin ketin kapaiahda de keriahla pwihnen aramas kei, a ekei kin kamehlele me sapwellimen Koht wiewia ong aramas akan kin soahngetehieu. Ia omw madamadau?
Dahme Paipel mahsanih
“Koht sohte ketin lipilipilki aramas. E kin ketin kupwurperenki mehmen me kin lemmwiki, oh pil wiewia me pwung; sohte lipilipil ih soangen aramas dah.” (Wiewia 10:34, 35) Mwohn silangin Koht, aramas koaros duwepenehte.
Dahme kitail pil kak sukuhlkihsang Paipel?
Nan Paipel mie “rongamwahu” ong “wehi koaros, kadaudok koaros, lokaia koaros, oh sahpw koaros.”—Kaudiahl 14:6.
