Ko e hā te ke leaʻakí?

• ʻIo

• ʻIkai

• Mahalo pē

Meʻa ʻoku leaʻaki ʻe he Tohi Tapú

“ʻOku ou ʻiloʻi ʻe taukapoʻi ʻe Sihova ʻa e māʻulaló pea fai ʻa e fakamaau totonu ki he masivá.” (Saame 140:12) Ko e Puleʻanga ʻo e ʻOtuá te ne ʻomai ʻa e fakamaau totonu moʻoní ki he māmaní.

Ko e hā te tau toe ako mei he Tohi Tapú?

• ʻOku vakai mai ʻa e ʻOtuá ki he fakamaau taʻetotonu ʻoku lolotonga hoko ʻi he māmaní, pea te ne fakatonutonu ia.​—Tangata Malanga 5:8.

• Ko e fakamaau totonu mei he ʻOtuá te ne ʻomai ʻa e melino mo e malu ki he māmaní.​—ʻAisea 32:16-18.

ʻOku tui ʻa e kakai ʻe niʻihi kuo tāpuakiʻi pe fakamalaʻiaʻi ʻe he ʻOtuá ha faʻahinga kakai pau, lolotonga iá ʻoku tui ʻa e niʻihi ʻoku fakafeangai tatau ʻa e ʻOtuá ki he kakai kotoa pē. Ko e hā hoʻo fakakaukaú?

Meʻa ʻoku leaʻaki ʻe he Tohi Tapú

“ʻOku ʻikai ke filifilimānako ʻa e ʻOtuá, ka ʻi he puleʻanga kotoa pē, ko e tangata ko ia ʻoku manavahē kiate ia mo fai ʻa e meʻa ʻoku totonú, ʻokú ne tali ia.” (Ngāue 10:34, 35) ʻI he vakai ʻa e ʻOtuá, ʻoku tatau ʻa e kakai kotoa pē.

Ko e hā te tau toe ako mei he Tohi Tapú?

• ʻOku ʻi he Tohi Tapú ʻa e “ongoongo lelei” ki he “puleʻanga mo e matakali mo e lea mo e kakai kotoa pē.”​—Fakahā 14:6.