A wu ta hlamula njhani?

• Ina

• E-e

• Kumbexana

Leswi Bibele yi swi vulaka

“Xikwembu xi yima ni lava xanisiwaka, xi avanyisela swisiwana timhaka ta swona hi ndlela yo lulama.” (Pisalema 140:12, Bibele ya Mahungu Lamanene) Mfumo wa Xikwembu wu ta tisa vululami laha misaveni.

• I yini swin’wana leswi hi nga swi dyondzaka eBibeleni?

• Xikwembu xa va vona vanhu lava xanisaka van’wana naswona xi ta va herisa.—Eklesiasta 5:8.

  Xikwembu xi ta endla leswaku misava yi va ni ku rhula ni ku tlhela yi va leyi hlayisekeke.—Esaya 32:16-18.

Vanhu van’wana va tshemba leswaku Xikwembu xi katekise kumbe ku rhukana rixaka ro karhi, kasi van’wana va tshemba leswaku Xikwembu xi hi khoma ku fana. Wena u ri yini?

Leswi Bibele yi swi vulaka

“Xikwembu a xi yi hi nghohe, kambe eka tiko rin’wana ni rin’wana munhu loyi a xi chavaka a tlhela a endla ku lulama wa amukeleka eka xona.” (Mintirho 10:34, 35) Hinkwerhu ha ringana eka Xikwembu.

I yini swin’wana leswi hi nga swi dyondzaka eBibeleni?

• Bibele yi ni “mahungu lamanene” lama yaka eka “matiko hinkwawo ni tinyimba hinkwato ni tindzimi hinkwato ni vanhu hinkwavo.”—Nhlavutelo 14:6.