НЬҺЕРʹАНДЬНА мәрийа ль сәр жийин у мьрьне гәләк жь һәв щӧдә дьбә. Һьнәка тʹьре кӧ паши мьрьне әԝана ԝе бь щурʹәки тʹәзә, йан ль щики дьн бәрдәԝам кьн бьжин. Һьнәк жи дьфькьрьн, кӧ әԝана ԛальбе кәсәкида, ԝе тʹәзәда бенә буйине. Һәнә йен ӧса жи кӧ дьфькьрьн, ԝәки бь мьрьне һʹәму тьшт хьлаз дьбә.

Ле ньһерʹандьна тә сәр ве пьрсе чаԝа нә? Һәмьки әв йәк култура тәва гьредайи йә у ԝе йәкева, кӧ чаԝа тә мәзьн кьрьнә. Ле гәло кʹи йан чь дькарә али тә бькә, кӧ щабәкә рʹаст бьстини?

Ида чьԛас ԝәхт ә, сәрԝеред религийайе һин дькьн, ԝәки паши мьрьне нәфса мәрийа бәрдәԝам дькә дьжи. Пәйчуйед религийед мәзьн, йед ӧса ча: Мәсиһи, Һьнду, Щьһу, Мьсьлман у йед дьн баԝәр дькьн, кӧ паши мьрьна бәдәне, мәрьв бәрдәԝам дькә ча рʹӧһʹ ль әʹзмана дьжи. Ле Бӧдизм һин дькә кӧ мәрьв тʹәзәда диса у диса тенә буйине, бь сайа чь жи енержийа йан ԛәԝата кӧ һьндӧре ԝанда нә, дьгьһижә рʹьһʹәтийе у бехәмгинийе. У һʹаләки ӧса мәрьв нав дькьн Нирвана.

Сәр һʹиме һинкьрьнед ви щурʹәйи, гәләк мәрьв нав тʹәмамийа дьнйайеда дәстпекьрьн баԝәр кьн, кӧ мьрьн ча бежи мәщаләкә тʹәзә дьдә, ԝәки дьнйакә дьнда бьжин. Сәва гәләк мәрийа, мьрьн әв пʹара жийине йә у ԝана тʹьре кӧ әв ԛьрара Хԝәде йә. Ле Кʹьтеба Пироз дәрһәԛа ве йәке чь дьбежә? Жь кʹәрәма хԝә готара дьн бьхуньн у дьбә кӧ щаба ве пьрсе, ԝә әʹщебмайи кә.