Ko e hā te ke lea‘akí?

• ‘Io

• ‘Ikai

• Mahalo pē

Me‘a ‘oku lea‘aki ‘e he Tohi Tapú

“Lī atu ‘a e kotoa ho‘omou loto-mo‘uá kiate ia [‘Otuá], koe‘uhí he ‘okú ne tokanga mai kiate kimoutolu.” (1 Pita 5:7) ‘Oku fakapapau‘i mai ‘e he Tohi Tapú ‘e lava ke tokoni‘i koe ‘e he ‘Otuá ke ke ma‘u ‘a e fiemālie mei ho‘o ngaahi loto-mo‘uá.

Ko e hā te tau toe ako mei he Tohi Tapú?

• ‘I he lotú, ‘e lava ke ke ma‘u ai ‘a e “nonga ‘a e ‘Otuá,” ‘a ia ‘okú ne fakasi‘isi‘i ‘a e loto-mo‘uá.​—Filipai 4:6, 7.

• ‘Ikai ko ia pē, ko hono lau ‘a e Folofola ‘a e ‘Otuá ‘e lava ke ne tokoni‘i koe ke ke fekuki mo e loto-mafasiá.​—Mātiu 11:28-30.

‘Oku tui ‘a e kakai ‘e ni‘ihi . . . ko e loto-mo‘uá mo e loto-mafasiá ko e konga ia ‘o e tu‘unga ‘oku ‘i ai ‘a e fa‘ahinga ‘o e tangatá, lolotonga ia ‘oku tui ‘a e ni‘ihi ‘e toki fakanonga pē ‘a e loto-mo‘uá ‘i he mo‘ui ‘i he hili ‘a e maté. Ko e hā ho‘o fakakaukaú?

Me‘a ‘oku lea‘aki ‘e he Tohi Tapú

‘E to‘o atu ‘e he ‘Otuá ‘a e ngaahi tupu‘anga ‘o e loto-mo‘uá. “‘E ‘ikai ke toe ‘i ai ha mate, pe ha mamahi pe ha tangi pe ha langa.”​—Fakahā 21:4.

Ko e hā te tau toe ako mei he Tohi Tapú?

• ‘I he malumalu ‘o e Pule‘anga ‘o e ‘Otuá, ‘e mo‘ui ai ‘a e kakaí ‘i he melino mo e nonga.​—‘Aisea 32:18.

• ‘E ngalo ‘a e loto-mo‘ua mo e loto-mafasia tōtu‘á.​—‘Aisea 65:17.