VAKA-KUTANDA VEHULA NGWAVO . . .
Vaka-Kilisitu Vanapande Kulinga Chilika cha Kilisimasi Ndi?
Vanu vavangi muno mu kaye vatava ngwavo Kilisimasi yapwa kuvwahelela litangwa lyathemukile Yesu Kilisitu. Oloni mwatondethethaho laja na kumona indi vaka-Kilisitu va mu chita cha myaka cha kulivanga, vaje vapwile va vuthamba va Yesu, vakele na kulinga chilika cha Kilisimasi ndi? Muthzivuka viyendeka Mbimbiliya ha vilika vya matangwa a kuthemuka ndi? Kuwana vikumbululo ku vihula evi kutukwatha kumona indi vaka-Kilisitu vanapande kulinga chilika cha Kilisimasi.
Cha kulivanga, na hamo hahi havatumbula mu Mbimbiliya ngwavo Yesu nambe vaka-Kilisitu vakwavo valingile vilika vya kuthemuka. Mbimbiliya yatumbula lika vanu vavali vaje valingile vilika vya kuthemuka. Voshe kuvapwile vaka-kulemetha Yehova Njambi uje wapwa vavenya Mbimbiliya, cho lalo kuli vyuma vyavivi vyalingiwile ha vilika vyavo vya kuthemuka. (Kushangumuka 40:20; Mako 6:21) Livulu lya Encyclopædia Britannica ngwalyo: “Vilika vya kwanuka kuthemuka kwa vanu vyapwile vya vaka-kaye.” Ngechi, vaka-Kilisitu va kulivanga kuvalikovelethelemo.
Yesu wathemukile tangwa lika?
Mbimbiliya kuyatumbwile litangwa lyathemukile Yesu. Livulu lya Cyclopedia livathonekele kuli McClintock na Strong ngwalyo: “Kutwatha kuwana litangwa lyathemukile Yesu mu Tesitamende Yaiha nambe mu mikanda yeka. Ngwe Yesu washakele ngwendi vaka-kumukavangeya vanuke anuke litangwa lyathemukile ngwe wavalekelelyo.
Cha mu chivali, Mbimbiliya kuyamwethele ngwavo Yesu nambe vandongethi vendi valingile chilika cha Kilisimasi. Livulu lya New Catholic Encyclopedia lyendekele ngwalyo, chilika cha Kilisimasi vashangumukile kuchithzivuka mu thimbu ya Philocalus, uje wapwile Kaloma wa kuthsimana manene mu kuthoneka mavulu mu mwaka wa 336 [C.E.]” Echi chalingiwile muvamanethele kuthoneka Mbimbiliya na hanima ya vita vya myaka, kutunda ha thimbu yakele Yesu hano hathi. Ngechi, McClintock na Strong vathonekele ngwavo: “Chilika cha Kilisimasi kuchatundile kuli Njambi, cho lalo kuchakele na mu Tesitamende Yaiha.” *
Yesu washikile vandongethi vendi kwanuka chilika muka?
Yesu Mulongethi Wakama, watuleka vyuma vitunapande kulinga, ha kupwa vaka-kumukavangeya, cho vanavithoneka mu Mbimbiliya. Oloni katulekele ngwendi tunapande kulinga chilika cha Kilisimasi. Ngechi lika mwa mulongethi uje kethi kushaka ngwendi vana va sikola vajomboke mashiko anavalongetha, Yesu nendi washaka ngwendi ‘tunyunge mashiko amavwa’ nambe ngwetu kethi tulinge vyuma vije kuvyethi mu Vithoneka vya Kujela.—1 Kolinte 4:6.
Oloni kuli chilika chimo cha theho chivathzivukile vaka-Kilisitu va kulivanga, echi chapwile chilika cha kwanuka kuthsa kwa Yesu. Yesu vavenya walekele vandongethi vendi litangwa livanapande kulinga echi chilika, cho wavamwethele mwa kuchilingila. Awa mashiko na litangwa lya thsile vanavithoneka mu Mbimbiliya.—Luka 22:19; 1 Kolinte 11:25.
Ngwe mutunamwena, Kilisimasi yapwa chilika cha kwanuka litangwa lya kuthemuka, cho vaka-Kilisitu va kulivanga kuvalikovelethele omu mu chilika cha vaka-kaye. Cho lalo, Mbimbiliya kuyatulekele ngwayo Yesu nameme vaka-Kilisitu va kulivanga valingile chilika cha Kilisimasi. Hanima ya kuthzivithitha evi vitunathimutwiya, vaka-Kilisitu vavangi kwaita kaye kwoshe vanangula kujeneka kulinga echi chilika cha Kilisimasi.
^ par. 6 Nga mushaka kuthzivuka vyavingi ha vilika vya Kilisimasi, kengeni Kaposhi ka Kukengela ka Silozi ka December 1, 2014, ha mutwe wa, “ZE BA BUZA BABALI . . . Ki Ifi Niti ka za Mukiti wa Ngilisimusi?” kali lalo na ha www.pr418.com/loz.
Hamo Mushaka Lalo Ebi
BIHULA BIBAKEHULA MANENE BANU
Mwafwa Bika Bakaleho ba Yehova Kubesi Kulinga Bilika bya Kwanuka Litangwa Lyasemukile Munu?
Moneni byuma biwana kutalesa ku cilika ca kusemuka kwa munu bije bimwesa ngwabyo Njambi kabishakele.
CANUKISO
Anukeni Kutsa kwa Yesu
Tumilanya mwakukale hamo netu ku cilika ca seho manene. Mwakulilongesa mu kumikwasela kuyoya na kutsa kwa Yesu.
