Millonninpi runakunan pachantinpi creenku Navidadqa Jesucristoq cumpleañonta festejanapaq costumbre kasqanpi. Ichaqa, ¿jayk’aqllapas tapukurankichu apostolninkuna discipulonkunapas Navidadta festejarankuchus chayta? Chaymantapas, ¿yachankichu cumpleañokunamanta Bibliaq nisqanta? Chay tapuykunata kutichiymi yanapawasun cristianokuna Navidadta festejananchischus icha manachus chayta yachanapaq.

Ñaupaq kaq, Bibliaqa manan willanchu Jesuspa jinallataq Diospa siervonkunaq cumpleañonta festejanataqa. Iskay runaq cumpleañon festejasqallantan willan, paykunaqa manan Jehová Diostachu adoraranku. Jinaspapas iskaynin kutipin chay fiestakuna mana allinpi tukuran (Génesis 40:20; Marcos 6:21). Encyclopædia Britannica nisqan jina, qallariypi cristianokunaqa “manan munarankuchu cumpleañokuna festejay costumbre” ruwayta.

Bibliaqa manan willanchu ima fechapi Jesús nacesqanta. Diccionario de historia de la Iglesia nin: “Ima p’unchaypi ima killapi Cristo nacesqanmantaqa manan ima pruebapas kanchu”, nispa. Sichus Jesús munanman karan discipulonkuna cumpleañon festejanankuta chayqa, willanmanmi karan jayk’aq nacesqanta.

Iskay kaq, Bibliaqa manan willanchu Jesús otaq mayqen discipulonpas Navidad festejasqantaqa. New Catholic Encyclopedia nisqan jina, Navidadmanta willakuyqa “Cronógrafo de Filócalo nisqa romano calendariopin ñaupaqtaqa rijuriran, chayqa qelqakuran 336 watapin”. Chayqa karan Biblia qelqakusqanmanta unay tiempo pasaqtinmi, jinallataq Jesús pachaj-pachaj watakuna wañupuqtinña. Chaymi juj libro nin: “Navidad fiestaqa manan Diospa kamachisqanchu, nitaq Nuevo Testamentopichu paqarin”, nispa (Cyclopedia de McClintock y Strong). *

Allin maestro kaspan Jesusqa discipulonkunata niran imakuna ruwanankuta, chayqa Bibliapin kashan. Ichaqa manan jayk’aqpas Navidadta festejanankupaq kamachiranchu. Imaynan juj maestroqa munan estudiantenkuna indicacionkuna qosqanman jina ruwanankuta, chhaynatan Jesuspas discipulonkuna Bibliapi ‘imachus qelqasqa kashan chaykunallata ruwanankuta’ munan (1 Corintios 4:6).

Ichaqa juj importante celebraciontan cristianokunaqa ruwallaqkupuni. Chayqa Jesuspa wañupusqanta yuyarinanku p’unchaymi karan. Pay kikinmi discipulonkunata kamachisqa jayk’aqchus imaynatachus celebranankuta. Kamachikuykuna qosqanpas wañupusqan p’unchay ima fechapi kasqanpas Bibliapin kashan (Lucas 22:19; 1 Corintios 11:25).

Yachamusqanchis jina, Navidadqa cumpleañokunata festejanapaqmi, qallariypi cristianokunan ichaqa mana chay costumbreta ruwaqkuchu. Jinaspapas Bibliaqa manan ninchu Jesús otaq discipulonkunapas Navidadta celebrasqankuta. Chayraykun pachantinpi millonninpi cristianokuna decidinku Navidadta ama festejanankupaq.