Ndɛ nga Biblu’n kan’n
?Ngue yɛ be flɛ i kɛ Armagedɔn’n niɔn?
Sran wie’m be waan...
sran’m bé fá alɛ kunlɛ ninnge dandan’m bé núnnún like kwlakwla. Annzɛ bé sáci asiɛ’n mlɔnmlɔn.?Yɛ wɔ li, a bu i sɛ?
Ndɛ nga Biblu’n kan’n
“Nyanmiɛn b’ɔ kwla like kwlaa yo’n i cɛn dan’n nun” alɛ’n yɛ be flɛ i Armagedɔn’n niɔn. Cɛn sɔ nun’n, ɔ́ núnnún klunwifuɛ mun mlɔnmlɔn. —Sa Nglo Yilɛ 16:14, 16.
?Ngue ekun yɛ Biblu’n kle e-ɔ?
Ɲanmiɛn yɛ ɔ́ kún Armagedɔn alɛ’n niɔn. Ɔ su saciman asiɛ’n. Sanngɛ, ɔ́ núnnún be nga be saci asiɛ’n be kwlakwla.—Sa Nglo Yilɛ 11:18.
Kɛ Ɲanmiɛn ko nunnun klunwifuɛ mun Armagedɔn alɛ’n nun’n, alɛ kunlɛ’n wíe.—Jue Mun 46:9, 10.
?E kwla fin Armagedɔn alɛ’n nun e fite?
?Á tɛ́ su sɛ?
Ɛɛn
Cɛcɛ
Ɔ kwla yo sɔ
Ndɛ nga Biblu’n kan’n
“Sran kpanngban kpa” mɔ be fin mɛnmɛn’n kwlaa nun’n, bé fín “afɛ dan’n nun” fíte. Armagedɔn alɛ’n ti yɛ afɛ dan’n wíe-ɔ.—Sa Nglo Yilɛ 7:9, 14.
?Ngue ekun yɛ Biblu’n kle e-ɔ?
Ɲanmiɛn kunndɛ kɛ sran kpanngban be fin Armagedɔn alɛ’n nun be fite. Klunwifuɛ mɔ be kundɛman kɛ bé káci’n, be yɛ ɔ́ núnnún be-ɔ.—Ezekiɛl 18:32.
Biblu’n kle like ng’ɔ fata kɛ e yo naan y’a fite nun’n.—Sofoni 2:3.
Ninnge wie mɔ be kwla yo ɔ fɛ ekun'n
KOSAN MƆ BIBLU’N TƐ BE SU’N
?Ngue yɛle Aamagedɔn alɛ’n?
Be kannin Aamagedɔn’n i ndɛ kpɛ kunngba Biblu’n nun, sanngɛ be kan alɛ sɔ’n i ndɛ Biblu’n wunmuan’n nun.
