Vatu vamwe vafwelela ngwavo . . .

nayikapwa jita yamata amatendazungu yize nayikenyeka kano kaye kosena. Munashinganyeka ngachilihi?

Vyuma yahanjika Mbimbiliya

Alamangetone chapwa chihela chachifwanyisa chize chemanyinako “jita yahalikumbi lyalinene lyaKalunga Wangolo Josena,” yize mwakazachisa hakunongesa vaka-kuhuka.—Kusoloka 16:14, 16.

Vyuma muka vikwavo natulinangula muMbimbiliya?

• Kalunga mwakaneha jita yaAlamangetone mangana akalwile kano kaye kuli vaze vanakukenyeka.—Kusoloka 11:18.

• Jita yaAlamangetone nayikakumisa jijita josena.—Samu 46:8, 9.

Kutala namwamba ngwenu?

• Eyo

• Nduma

• Pamo

Vyuma Yahanjika Mbimbiliya

“Liyongomena lyalinene” lyavatu vakufuma kumafuchi osena nalikayovoka ‘haluyando lwalunene’ luze nalukakuma omu nayikakuma jita yaAlamangetone.—Kusoloka 7:9, 14.

Vyuma muka vikwavo natulinangula muMbimbiliya?

• Kalunga asaka vatu vavavulu vakayovoke hajita yaAlamangetone. Eji kunongesanga vaka-kuhuka kachi nge kavate kupihilila nakwalumuka.—Ezekele 18:32.

• Mbimbiliya yalumbununa vyuma twatela kulinga numba tukayovoke hajita yaAlamangetone.—Zefwanyiya 2:3.