Aantu yamwe oyi itaala . . .

kutya osho okuhanagula po evi niikondjitho yopalute nenge eyonopo lyomudhingoloko. Ngoye oto ti ngiini?

Shoka Ombiimbeli tayi ti

Armagedon ehala lyopathaneko mpoka tapu ka hingilwa “iita mesiku enene lyaKalunga Omunankondoadhihe,” mbyoka ta ka hingila aakolokoshi. — Ehololo 16:14, 16.

Oshike ishewe tatu vulu okwiilonga mOmbiimbeli?

• Sho Kalunga ta ka kondja miita yaArmagedon, ita ka hanagula po evi, ihe ote ke li hupitha miikaha yaantu mboka taye li hanagula po. — Ehololo 11:18.

• Iita yaArmagedon otayi ka hulitha po omalugodhi agehe kombanda yevi. — Episalomi 46:8, 9.

Ngoye oto ti ngiini?

• Eeno

• Aawe

• Pamwe ngaa

Shoka Ombiimbeli tayi ti

“Engathithi lyaantu” ya za miigwana ayihe otali ka hupa ‘momahepeko omanene’ nenge muudhigu uunene, mboka tawu ka hula niita yaArmagedon. — Ehololo 7:9, 14.

Oshike ishewe tatu vulu okwiilonga mOmbiimbeli?

• Kalunga okwa hala aantu oyendji ngaashi tashi vulika ya ka hupe puArmagedon. Ota ka hanagula po owala aakolokoshi, ngele inaayi iyela ombedhi. — Hesekiel 18:32.

• Ombiimbeli otayi yelitha nkene tatu vulu oku ka hupa puArmagedon. — Sefanja 2:3.