O le ā le Manatu o le Tusi Paia?
O le ā le uiga o Amaketo?
E manatu nisi . . .
o se faaumatiaga e aafia ai le lalolagi atoa e ala i meatau faaniukilia po o le matuā faaleagaina o le siʻosiʻomaga. Ae o le ā sou manatu?
Le manatu o le Tusi Paia
O Amaketo o le “taua o le aso tele o le Atua o Lē e ona le malosi uma lava,” o lana taua faasaga i ē amioleaga.—Faaaliga 16:14, 16.
Isi mea e tatou te aʻoaʻoina mai i le Tusi Paia
O le a tau e le Atua le taua o Amaketo, e lē ina ia faatafunaina le lalolagi, ae ia faasaoina mai i le faaleagaina e tagata.—Faaaliga 11:18.
O le a faaiʻuina e le taua o Amaketo ia taua uma lava.—Salamo 46:8, 9.
Pe e mafai ona faasaoina mai i le taua o Amaketo?
O le ā lau tali?
Ioe
Leai
Atonu
Le manatu o le Tusi Paia
O le a faasaoina “se motu o tagata e toʻatele” mai i atunuu uma i le “puapuaga tele,” lea o le a faaiʻuina i le taua o Amaketo.—Faaaliga 7:9, 14.
Isi mea e tatou te aʻoaʻoina mai i le Tusi Paia
E finagalo le Atua ina ia faasaoina le tele o tagata e mafai ai iā Amaketo. O lana gaoioiga mulimuli o le faaumatia o ē amioleaga.—Esekielu 18:32.
O loo faamatala i le Tusi Paia le auala e faasaoina ai mai iā Amaketo.—Sefanaia 2:3.